لیتوانیا وایي د تېرې سه شنبې په شپه د دغه هیواد سرحدي ځواکونو هغه ۱۷۱ مهاجر نیولي چې له بېلاروس څخه د لیتوانیا خاورې ته ور ننوتلي دي. له دغو کسانو سره سږ کال تر دې دمه لیتوانیا کې د نیول شویو مهاجرو شمېر ۳۰۲۷ تنو ته رسېږي.
د پاریس د شمال ختیځ مو ښار یوې محکمې ۷ بهرنیان په زندان محکوم کړي دي. دغه کسان په دې تورن وو چې تېره جنوري میاشت یې منیلو املو توقیف خونه کې بغاوت کړی دی. همدارنګه دوه کسان اورلګېدنه کې د لاس لرلو په تور محکوم شوي دي.
اداري توقیف ځای، د انتظار زون... فرانسه کې د بې سنده بهرنیانو د ازادیو د سلب ځایونه کوم دي؟ کډوال نیوز د دغو ځایونو لېست جوړ کړی. بې سنده بهرنیان په کومو حالاتو کې په کومو ځایونو کې ساتل کېږي؟ څومره وخت به یې هلته تېروي؟ حقونه یې څه دي؟
په داسې حال کې چې له تېرو څو میاشتو راهیسې د ژېروند دیپارتمنت د نویو اداري توقیف ځایونو د پرانیستلو لپاره هڅې زیاتې کړې، د بشري حقونو مدافع سازمانونه وایي چې دغه توقیف ځایونه باید وتړل شي. دوی زیاتوي چې توقیف ځایونو کې وضعیت ډېر خراب دی او بهرنیانو پکې خپلو حقونو ته لاسرسی نه لري.
د برتانیا د زندانونو د څار ادارې کارکوونکو تېره سپټمبر میاشت دوور ښار کې د تګ هوېن په ګډون له ځینو توقیف خونو څخه کتنه وکړه چې د مانش کانال له لارې برتانیا ته رسېدونکي مهاجر پکې ساتل کېږي. یادې ادارې په خپل راپور کې دغو مرکزونو کې د مهاجرو هرکلي پر خرابو او نامناسبو شرایطو نیوکه کړې ده.
د راپورونو له مخې ټاکل شوې چې د فرانسې په ایل دو فرانس سیمه کې د پلېزیر په نامه تر ټولو کوچنۍ اداري توقیف خونه هغو اخراجېدونکو کسانو ته ځانګړې شي چې په کورونا ویروس اخته دي.
د کورونا ویروس کړکېچ له امله دمګړۍ د فرانسې په اداري توقیف خونو کې د بهرنیو بندیانو محاکمه د ویډیو کنفرانس له لارې ترسره کېږي.
د برتانوۍ رسنیو له مخې درې افغان مهاجرو د دې هیواد په بروکس هوس اداري توقیف خانه کې له کډوالو سره د «غیر قانوني» چلند پر وړاندې محکمې ته شکایت کړی دی.
د پاریس اداري محکمې د یوې پرېکړې پر بنسټ د راتلونکو ۱۴ ورځو په موده کې له فرانسې څخه اخراجېدونکي بهرنیان ونسن توقیف خونې ته نه استول کېږي. تر دې دمه په دغه توقیف خونه کې د کورونا ویروس ۳ مثبتې پېښې ثبت شوې دي.
د رپوټونو په حواله تېره شنبه د فرانسې د منیل املو په ادارې توقیف خونه کې نږدې ۵۰ کسانو د «خراب روغتیایي وضعیت» پر وړاندې د دغې توقیف خونې په حویلۍ کې شپه تېره کړه. دوی وایي چې وېره لري او باید له بنده خوشي شي.
اسفام سازمان تېره ورځ وویل چې د فرانسې د ونسن په اداري توقیف خونه کې یو کس د کرونا ویروس مثبته ازموینه کړې. دا اداري توقیف خونو کې د کورونا ویروس لومړۍ پېښه ده. د سیماد سازمان په حواله ښایي دغه ناروغ «د مرکز دننه» په کورونا اخته شوی وي.
تېره جمعه د فرانسې د دولت شورا اعلان وکړ چې اداري توقیف خونې، چېرې چې اخراجېدونکي بهرنیان ساتل کېږي، د کورونا ویروس د خپرېدا لامل نه ګڼل کېږي نو ځکه دغه مرکزونه خپلو فعالیتونو ته ادامه ورکوي.