یوناني چارواکي وایي چې په ترکیه او سوریه کې له زلزلې وروسته د کډوالو د احتمالي څپې د مخنیوي لپاره پر خپله پوله امنیتي تدابیر ډېروي. د یونان د کډوالۍ وزیر ویلي دي چې له ترکیې سره پر پوله د دېوال د جوړېدو کار روان دی.
د اروپايي اتحاديې داخله کميساري يلفا يوهانسون ويلي دي چې د اروپايي اتحاديې پر شاوخوا د ديوالونو او اغزي لرونکو تارونو کټارو راګرځول ښه حل نه دی.
د ولسي وګړو د ساتنې وزیر د تېرې شنبې په ورځ د اروپایي ټولنې له غړو هېوادونو څخه غوښتنه وکړه چې له ترکیې سره پر پوله د دېوال د اوږدولو لپاره له یونان سره مرسته وکړي. د یونان او ترکیې ترمنځ اوسنی دېوال ۲۷ کیلومتره اوږدوالی لري.
د پولنډ دفاع وزیر پرون چهارشنبه وویل چې هېواد یې په پام کې لري چې «په عاجله توګه» له روسیې سره پر پوله په کالینېنګراد سیمه کې د دېوال د جوړولو کار پیل کړي.
لیتوانیایي چارواکو د دوشنبې په ورځ له بېلاروس سره پر پوله د خنډونو د جوړېدو کار د پای ته رسېدو خبر ورکړ. دغه دېوال له بېلاروس څخه لیتوانیا ته د کډوالو د اوښتو د مخنیوي لپاره جوړ شوی دی.
د یونان د ملي امنیت حکومتي شورا د دغه هېواد د پولو د ساتنې لپاره یو لړ نوي اقدامات تصویب کړي دي. ټاکل شوې ده چې یونان له ترکیې سره د پولې په اوږدو کې اوسپنیز دېوال جوړ کړي.
فنلنډ وایي په پام کې لري چې له روسیې سره پر پوله به د خنډونو د جوړولو په موخه په خپلو سرحدي قوانینو کې بدلون رامنځ ته کړي. فنلنډ له دې څخه ډارېږي چې روسیه به دغه هیواد ته د کډوالو د ورتګ زمینه برابره کړي. خو اینالکو کې د سرحدي امنیت کارپوه دامین سیمونو وایي هېڅ کوم داسې ثبوت نشته چې وښيي چې دا ګواښ رېښتینی دی.
سلوانیا وایي په پام کې لري چې له کروشیا سره پر پوله خنډونه له منځه یوسي. دغه خنډونه د ۲۰۱۵ د کډوالۍ کړکېچ پر مهال جوړ شوي وو.
یوناني چارواکي وایي په پام کې لري چې له ترکیې سره پر پوله دېوال نور هم اوږد کړي. په وینا یې دوی د یاد دېوال د جوړولو لپاره له اروپایي ټولنې د مالي مرستې غوښتنه کړې ده.
پولنډ پرون سه شنبه له بېلاروس سره پر پوله د دېوال جوړولو کار پیل کړ. د دغه دېوال د جوړولو موخه له بېلاروس څخه پولنډ ته د کډوالو د اوښتو مخنیوی په ګوته شوی دی.
یونان تېره جمعه وویل چې پر افغانستان د طالبانو تر ولکې وروسته یې د افغان مهاجرو د نویو څپو د مخنیوي لپاره له ترکیې سره پر پوله د ۴۰ کیلومتره په اوږدوالي د سرحدي دېوال د جوړولو کار پای ته رسولی دی.
افغانستان کې د جګړې زور اخیستو سره سم ترکیې له ایران سره پر پوله د ور تلونکو افغان مهاجرو د نوېو څپو د مخنیوي لپاره امنیتی تدابیر زیات کړي دي. د چارواکو په خبره دغه هیواد په پام کې لري چې د ۲۹۵ کیلومتره په اوږدوالي سرحدي دېوال جوړ کړي.