د فرانسې د لیل ښار د ادارې محکمې راپور جوړوونکي پل ګروش د سه شنبې په ورځ کالې ښار کې پر کډوالو د خوړو د وېشلو بندیز «نامتناسب» وباله. نوموړي د کالې قومندانۍ د دغې پرېکړې د لغوه کېدو غوښتنه وکړه او و یې ویل چې د چارواکو له خوا وړاندي شوي دلایل بې بنیاده دي.
له تېرو دوو میاشتو راهیسې د فرانسې د کالې ښار په مرکز کې نور د ناراجسټرو سازمانونو له خوا پر کډوالو د خوړو د وېشلو د منع فرمان نه عملي کېږي. خو سازمانونه وایي چې د یاد فرمان نه عملي کېدل ځکه پر وضعیت نه دی اغېز کړی چې دوی لا هم د خپلو فعالیتونو د ترسره کولو لپاره له خنډ سره مخ دي.
د افغانستان د بیا رغونې لپاره د امریکا ځانګړی څارونکی یا سیګار وایي چې په روان میلادي کال کې به ۳،۲ میلیونه افغان ماشومان له خوارځواکۍ سره وکړېږي. یادې ادارې د یونیسف د یو راپور پر بنسټ خبرداری ورکړی دی چې ښایي په ۲۰۲۲ کې یو میلیون ماشومان د سختې خوارځواکۍ له امله مړه شي.
تېره چهارشنبه د اکټوبر میاشتې ۱۳مه نیا کاوالا کمپ کې سلګونو مهاجرو د یونان حکومت د هغه نوي پروتوکول پر وړاندې لاریون وکړ چې له مخې به یې نور کډوالو ته خواړه نه ورکول کېږي. په ورته مهال عیني شاهدان کډوال نیوز ته وایي چې د کمپ له ۱۲۰۰ اوسېدونکو څخه نیمایي یې خوړو ته لاسرسی نه لري.
تېره یکشنبه د پاریس سن ژرمن ټیم لوبغاړي مواز کین له خپلو ملګرو سره د پاریس په شمالي پورت دو لا شاپل سیمه کې پر مهاجرو خواړه ووېشلي دي. نوموړي پر خپله انسټاګرام پاڼه د خوړو د وېشلو عکسونه خپاره کړي ډي.
ګینیایی مهاجر علي چې کډوال نیوز د روان کال په پیل کې ورسره خبرې کړې وې وایي تر اوسه هم کافي خوړو ته لاسرسی نه لري. هغه هره ورځ پاریس کې د خوړو د وېشلو بېلابېلو ځایونو ته مراجعه کوي. په ورته مهال سازمانونه وایي چې د اړمنو کسانو شمېر زیات شوی او ځینې وختونه ټولو ته خواړه نه رسېږي.
بوسنیا یوه له هغو هیوادونه ده چې اروپا ته راتلونکي زرګونه پناه غوښتونکي پکې ایسار پاتې دي. ډېری دغه مهاجر هغه افغانان دي چې له جګړو څخه تښتېدلي او غواړي چې اروپایي هیوادونو ته ځان ورسوي. افغان مهاجر جمال* چې له شاوخوا درېو کلونو راهیسې په بوسنیا کې اوسېږي، کډوال نیوز ته د خپلو سترګو لیدلی حال وایي.
د پا دو کالې قومندانۍ د تېرې سه شنبې په ورځ وویل د کالې ښار په مرکز او بو مارې ناحیه کې یې پر مهاجرو د خوړو د وېشلو د منع موده غځولې ده. دمګړۍ یوازې د لا اکتیو په نامه د دولت له خوا په رسمیت پېژندل شوی سازمان صلاحیت لري چې کالې کې پر مهاجرو خواړه ووېشي.
فرانسوي چارواکي ویلي دي، چې دولت به ډیر ژر د فرانسې شمالي ښار ګراند سنت کې د کډوالو لپاره د خوراکي موادو د ویش مسولیت پر غاړه واخلي. ځینې مرستندویه ادارې د دغې پریکړې په اړه راضي خو ځینې نور بیا اندیښمن دي.
د پا دو کالې قومندانۍ د دوشنبې په ورځ وویل چې د کالې ښار په مرکز او بو - مارې ناحیه کې یې پر مهاجرو د خوړو د وېشلو د منع موده غځولې ده. دمګړۍ د لا وي اکتیو په نامه د دولت له خوا په رسمیت پېژندلی سازمان صلاحیت لري چې کالې کې پر مهاجرو خواړه ووېشي.
که تاسې د پاریس د سړکونو پر غاړه شپې سبا کوئ، په دغو پتو کې وړیا خواړه ترلاسه کولی شئ.
ټاکل شوې چې د فرانسې دولت له خوا تایید شوی سازمان لا وي اکتیو کالې ښار کې په سیار ډول پر مهاجرو خواړه ووېشي. د لا وي اکیتو موټرونه د مهاجرو په لټون د ښار په ختیځو او لوېدیځو سیمو* کې ګرځي. خو سازمونه دا کار ناکافي بولي.