برېتانوۍ ورځپاڼې انډېپنډنټ راپور ورکړی چې یو افغان پیلوټ چې په افغانستان کې یې له برېتانوي ځواکونو سره دنده ترسره کړې او واک ته د طالبانو له رسېدو وروسته یې ځان برېتانیا ته رسولی، رونډا ته د اخراج له خطر سره مخ دی.
د لندن عالي محکمې د کډوالو ملاتړ سازمان اسایلم اېد او یو شمېر مهاجرو ته اجازه ورکړې ده چې رونډا ته د کډوالو د استولو تړون پر وړاندې محکمه کې د استیناف غوښتنه وکړي. د برېتانیا حکومت نه شي کولی چې د استیناف محکمې تر پرېکړې پورې کډوال رونډا ته واستوي.
انګلیس کانال کې د کډوالو د کښتۍ ډوبېدو پېښې پوره یو کال وروسته کډوال نیوز د فرانسې د دنکرک ښار لون پلاژ کمپ ته تللی دی. په دغه کمپ کې سلګونه کډوال په خورا سختو شرایطو کې ژوند کوي چې په ډله کې یې ګڼ شمېر افغانان هم دي. د کمپ ډېری اوسېدونکي وایي چې د مخنیوونکو اقداماتو او ګواښو سربېره برېتانیا ته تلل غواړي.
فرانسوي چارواکي وایي چې په تېرو دوو ورځو کې یې په انګلیس کانال کې د یو لړ عملیاتو پر مهال شاوخوا سل کډوال ژغورلي دي. دا په داسې حال کې ده چې تر ۳۰۰ تنه نور پرون پنجشنبه د سمندر له لارې برېتانیا ته اوښتي دي. په ورته مهال د برېتانیا نوی لومړی وزیر غواړي چې د انګلیس کانال له لارې د کډوالو څپو د مخنیوي لپاره له فرانسې سره د همکارۍ تړون لاسلیک کړي.
هوایي شرکت پرېوېلج سټایل چې د برېتانیا له حکومت سره یې رونډا ته د کډوالو د انتقال تړون لاسلیک کړی وایي دغه افریقایي هېواد ته به الوتنه و نه کړي.
د برېتانیا د کورنیو چارو نوې وزیرې سویلا برېورمن پرون سه شنبه وویل په پام کې لري چې له برېتانیا څخه د کډوالو د اخراج لړۍ چټکه کړي. نوموړې دغه راز له رونډا سره د شوي تړون پر عملي کولو ټینګار وکړ. دا په داسې حال ده چې هره اونۍ زیات شمېر کډوال هڅه کوي چې د انګلیس کانال له لارې ځانونه برېتانیا ته ورسوي.
فرانسوي چارواکو د تېرې جمعې په ورځ د فرانسې په شمالي سیمه لفرینکوک ساحل ته نږدې د کډوالو یوه بېړۍ ژغورلې ده چې ۵۱ کسان پکې سپاره وو. د سختو د امنیتي تدابیرو سربېره لا هم ګڼ شمېر کډوال هڅه کوي چې د یاد سمندر له لارې برېتانیا ته واوړي.
په داسې حال کې چې ټاکل شوې چې سبا سه شنبه د جون ۱۴ به د کډوالو لومړۍ ډله رونډا ته واستول شي، برېتانوي سازمانونو د دغې پرېکړې پر وړاندې محکمو ته شکایتونه ثبت کړي. د شکایت کوونکو په ډله کې د عامه چارو سندیکا پي سي اس هم دی چې ځینې کارکوونکي یې د کډوالو د اخراج دنده پر غاړه لري.