انډپنډنټ ورځپاڼې راپور ورکړی چې بریتانیا له هغو افغانانو غوښتي و چې د تخليي پروګرام لپاره د دوې اسناد باید د طالبانو لخوا تایید شي. اوس د یوې څیړنې له پایلې وروسته، بریتانیا سمدلاسه په دې اړه له افغانانو بخښنه غوښتنې.
د جرمني د بهرنیو او کورنیو چارو وزارتونو د دوشنبې په ورځ وویل چې هیواد يي د هغو افغانانو د منلو لپاره یو نوی پروګرام پیل کړی چې د طالبانو له واکمنۍ وروسته يي ژوند له ګواښ سره مخامخ وي. د دغه پروګرام له لارې به هره میاشت زر تنه افغانان او د هغوی کورنۍ جرمني ته ولیږدول شي.
په افغانستان کې د طالبانو له واکمنۍ سره سم د تیر کال د اګست په ۱۵مه، د نورو هیوادونو په څیر جرمني او فرانسې هم له کابل څخه په پوځي الوتکو کې د افغانانو د ایستلو لړۍ پیل کړه چې له امله يي لسګونه زره افغانان دغو دوو هیوادونو ته انتقال شول.
د هالنډ حکومت اعلان کړی چې د چهارشنبې په ماښام، ۱۸۱ افغان پناه غوښتونکي په یوه چارټر الوتکه کې له پاکستان څخه دغه هیواد ته رسیدلي. ډیری دغه افغانان د سفر اسنادو د نه لرلو له امله نه و توانیدلي چې افغانستان پریږدي.
د آلمان د بهرنیو چارو وزیرې انالینا بیربوک چې په یوه رسمي سفر اسلام اباد ته تللې، له پاکستاني چارواکو سره يي د نورو مسایلو ترڅنګ د افغانان کډوالو د ایستلو د پروسې په اړه هم خبرې کړي. نوموړې ژمنه وکړه چې د اړمنو افغانانو د ایستلو پروسې ته به دوام ورکړي.
په افغانستان کي د امريکا له خوا له کابل څخه انسانانو د تخليې پر وخت تقريبا ۲۴۰۰ افغانان البانيا ته انتقال کړل. په البانيا کي ورڅخه پاته ۹۰۰ افغانان وايي برخليک دي يې معلوم سي.
د افغان خبریالانو یوې اته کسیزې ډلې د برېتانیا حکومت پر وړاندې حقوقي دعوی کړې ده. دوی چې افغانستان کې د طالبانو تر واکمنېدو مخکې یې له برتانوۍ رسنیو سره دندې ترسره کړې وایي چې له ګواښونو سربېره لا هم په افغانستان کې بند پاتې دي.
نن چهارشنبه سهار وختي نږدې ۵۰۰ کډوال چې ډېری یې افغانان دي د پاریس شمالي سیمې پانتن کمپ څخه وایستل شول. یاد کمپ تېره جنوري جوړ شوی و. په ورته مهال سازمانونه وایي چې نږدې ۴۰ کسانو ته سرپناه نه ده برابره شوې او ځینې نور له استوګنځیو څخه شړل شوي دي.
تېر کال د فرانسې حکومت د کډوالۍ او ادغام ادارې یا اوفي مشر دیدیې لسکي کالې ته واستاوه ترڅو له سازمانونو او درېو اعتصاب کوونکو سره خبرې وکړې. یادو اعتصاب کوونکو کالې کې د کډوالو د ژوند پر شرایطو نیوکې کولې. هغه وخت دیدیې لسکي له سازمانونو سره تر خبرو اترو وروسته ژمنه کړې وه چې حکومت به له دې وروسته د کمپونو د خالي کولو عملیاتو مخکې کډوالو ته خبر ورکوي. خو اوس سازمانونه وایي چې دغه ژمنې عملي شوې نه دي.
پر کابل د طالبانو تر ولکې وروسته ګڼ شمېر افغانانو له خپل هیواد څخه د وتلو هڅه وکړه. خو ډېری کسان و نه توانېدل چې له هیواده ووځي. صادق هغه افغاني الاصله برتانوی دی چې وایي مېرمن او لور یې د برتانیا تابعیت نه لري او هغه نه شي کولی چې خپلې کورنۍ له افغانستانه وباسي. د نوموړي د سترګو لیدلی حال.
د امریکا حکومت له افغانستان څخه د تخلیې په ترڅ کې انتقال شويو افغانانو ته داسې اسناد ورکوي چې په موقتي توګه پرې د هغوی د اخراج مخه ونيوله شي. د دغه موقتي اقامې درلودونکي به د کار اجازه هم ولري.
د روان ژمي له پیل راهیسې دا دویم ځل دی چې د پاریس په شمالي سیمه کې سلګونه هغه کډوال چې په یوه تونل کې اوسېدل له کمپ څخه ایستل کېږي. د پولیسو د قومندانۍ په حواله امنیتي ځواکونو ۴۹۸ کډوال استوګنځیو ته لېږلي دي چې په ډله کې یې کم سنه او بې سرپرسته مهاجر او ماشومان هم دي.