فرانسوي چارواکو د دغه هیواد د پا دو کالې د مارک سیمې په یو پارکېنګ کې د د یو کډوال مړی په ځړول شوي حالت کې موندلی دی. یاد مهاجر د یوې لارۍ په ټرېلر باندې ځړوند و. د بولونی سور مېر څارنوالۍ په حواله داسې ګومان کېږي چې نوموړي ځانوژنه کړې ده.
د فرانسې او اسپانیا پر پوله بیداسوا سمندر کې پرون پنجشنبه د یو تن مړی موندل شوی دی. د چارواکو په حواله ټولې نښې نښانې ښيي چې دا هماغه کډوال دی چې د مارچ پر ۱۲مه یاد سمندر کې لادرکه شوی و.
یوناني چارواکي وایي نن سه شنبه سهار د لېسبوس ټاپو په یوه ساحل کې د شپږو کډوالو مړي موندل شوي دي. ویل کېږي چې دوی د کښتۍ ډوبېدو پېښه کې خپل ژوند له لاسه ورکړی دی. د احتمالي قربانیانو لټون روان دی.
له پرونه راهیسې یوناني پولې ته څېرمه ترکیه کې د هغو ۱۹ کډوالو مړي موندل شوي دي چې د سړې هوا له امله یې خپل ژوند له لاسه ورکړی دی. ترکیې د دغې پېښې پړه د یونان پر غاړه اچولې ده، خو یونان بیا ترکیه تورنوي.
د یونان پولې ته څېرمه پساکوی کلي ته نږدې د ۱۲ کډوالو مړي موندل شوي دي. د دغو کډوالو له ډلې ۱۱ تنو یې سیمې ته د ژغورونکو له رسېدو مخکې خپل ژوند له لاسه ورکړی و، خو دوه لسم کس بیا روغتون کې ساه ورکړه. ترکیه وایي د دې پېښې پړه د یونان پر غاړه ده.
یوناني چارواکي وایي د اژې په سمندر کې د کډوالو د کښتۍ د ډوبېدو پېښې پنځه لس ورځې وروسته پرون پنجشنبه د څلورو کسانو مړي په ډېر بد حالت کې موندل شوي دي.
په تېرو څو ورځو کې د فرانسې په کالې ښار کې دوه کډوال مړه شوي دي. پرون دوشنبه سهار کالې ته څېرمه یو سوډانی مهاجر تر یوه ټېلر موټر لاندې شو او وروسته بیا یې د یاد ښار په یوه روغتون کې ساه ورکړه. دغه راز تېره شنبه د پا دو کالې په یو ساحل کې د یو تن مړی موندل شوی و.
د پولنډ او سپيني روسيې هيوادونو پر سرحد د يکشنبې په ورځ درې مړي موندل سوی دي. د پولنډ په وينا مړي د هغو کسانو دي چي غوښتل يې پولنډ ته واوړي.
ګارډین ورځپاڼه وایي په تېرو پنځو کلونو کې د برتانیا د کورنیو چارو وزارت له خوا پناه غوښتونکو ته ځانګړو شویو استوګنځیو کې ۵۱ کسان مړه شوي دي. ورځپاڼې زیاته کړې چې تېرو ۱۸ میاشتو کې یادو استوګنځیو کې د مړو شویو کسانو په شمېر کې زیاتوالی راغلی.
فرانسوي چارواکي وایي تېره سه شنبه مانش کانال کې د مهاجرو د یوې کښتۍ تر نسکورېدو وروسته ۳ کسان ژغورل شوي، خو یو کم عمر لرونکی مهاجر لادرکه دی. بل لور ته د برتانیا د کورنیو چارو وزارت وایي تېره سه شنبه د مارچ میاشتې ۲مه د دغه هیواد ساحلي ځواکونو مانش کانال کې ۶۶ مهاجر نیولي دي چې په ۴ کوچنیو بېړیو کې سپاره ول.
تر يو کال څخه زيات وخت تر مخه په بريتانيه کي د ۳۹ ويتنامي مهاجرو مړي په يو يخ ساتونکي بند موټر کي وموندل سول. په پنجشنبه د يو قرباني اوديو محکمې ته واورول سوه.
د مديترانې سمندرګي له لارې په نامناسبو کشتيو کې اروپا ته د تلونکو مهاجرو مخ په ډيريدونکي شمیر ته په کتو، له سمندر څخه د نجات سازمان «Sea – Eye» غواړي د «الان کوردي» کشتۍ تر څنګ يوه بله کشتۍ هم سمندر ته واستوي.