یوناني چارواکي وایي چې د تېرې یکشنبې په ورځ د لېروس ټاپو په ساحلي اوبو کې د کډوالو د کښتۍ ډوبېدو له امله یوه ښځه او څلور ماشومان مړه شوي دي. چارواکو د لسګونو نورو د ژغورلو خبر ورکړی دی.
د بشري حقونو مدافع بنسټونه د لیتوانیا او بېلاروس پر پوله د لادرکه شویو کډوالو په اړه اندېښنه ښيي. دوی وایي چې په دغه سیمه کې یو شمېر کډوال مړه شوي دي. دا هغه کسان دي چې هڅه یې کوله له بېلاروس څخه ځانونه د اروپایي ټولنې غړو هېوادونو ته ورسوي.
د فرانسې په سوېل ختیځه سیمه کې د تېرې دوشنبې په ورځ یو تن چې د اورګاډي سر ته ختلی و د برېښنا د شارتۍ له امله مړ شوی دی. د سیمې د قومندانۍ په حواله ټولې نښې نښانې داسې ښيي چې دغه سړی کډوال و.
یو افغان کډوال چې د بلاروس له پولې څخه د لاتویا اروپايي هیواد ته د ننه شوی و، د سړې هوا له امله خپل ژوند بایللی. چارواکي ویلي چې دغه افغان د سه شنبې په ورځ په روغتون کې ساه ورکړې.
نن چهارشنبه سهار وختي د فرانسې او برېتانیا ترمنځ اوبو کې د کډوالو د یوې کښتۍ د ډوبېدو له کبله لږترلږه ۴ کسانو خپل ژوند له لاسه ورکړی دی. په ورته مهال چارواکي د ۴۳ تنو نورو د ژغورلو خبر ورکوي.
د بخښي نړيوال سازمان له هسپانيې په باندنۍ سيمه مليا کي د وژل شوو پناه غوښتونکو په قضيه کي د هسپانيې او مراکش هيوادونه هم په پړه کي برخه وال بللي دي.
د ملګرو ملتونو د مهاجرت نړيوال سازمان (IOM) ويلي دي چي د افريقا په صحرا کي ۲۷ مهاجر له تندي مړه شوي دي.
د هسپانيې د کورنيو چارو وزير د لږ تر لږه ۲۳ مهاجرو د مړيني وروسته تر فشار لاندي راغلی دی. دغه مهاجر د مليلا پر سرحدي کټاره مړه شوي ول.
د یونان ساحلي ځواکونو پرون چهارشنبه په یوه خبرپاڼه کې وویل چې د دوشنبې او سه شنبې په ورځو کې د کډوالو د دوو کښتیو ډوبېدو پېښو کې لږترلږه ۲۱ کسان مړه شوي او تر ۴۰ ډېر کډوال لادرکه دي. زیاته شوې ده چې د لادرکه شویو کسانو د لټون هڅې ادامه لري.
د یونان د کتیرا ټاپو په اوبو کې د کډوالو د لېږدونکې یوې کښتۍ تر ډوبېدو وروسته شپږ نور مړي موندل شوي دي چې له دې سره د قربانیانو شمېر ۱۱ تنو ته رسېږي. په دغه کښتۍ کې ۹۵ کډوال سپاره ول چې ۸۰ تنه یې له سمندره ژغورل شوي دي.
د ترکیې ساحلي ځواکونه وایي چې د تېرې جمعې په ورځ یې اژه سمندر کې د شپږو کډوالو مړي موندلي دي. زیاته شوې ده چې د یو ورک شوي کډوال د لټون هڅې لا هم ادامه لري.
ترکیه وایي چې د دغه هېواد او یونان ترمنځ اوبو کې د پنځو ماشومانو په ګډون شپږ کډوال هغه مهال مړه شوي دي چې دوی یوناني ځواکونو د ترکیې پر لور وشړل. د ترکیې ساحلي ځواکونو دغه راز د ۷۳ تنو نورو د ژغورلو خبر ورکړی دی.