د بوسنیا د ووچیاک په پنډغالي کې نږدې ۶۰۰ کډوال په ډېرو سختو او غیرانساني شرایطو کې اوسېږي. دغه پنډغالی د روان کال په جون میاشت کې د بیهاچ ښاروالۍ له خوا پرانیستل شوی او د سره صلیب سازمان له خوا اداره کېږي. تېره جمعه له یاد کمپ څخه د نړیوالو رضاکارانو تر شړل کېدو وروسته کډوالو د نه خوړلو اعتصاب پیل کړ.
نن سبا د ګراند - سنت په ځنګل کې له ۱۰۰-۴۰۰ کډوال په خورا سختو شرایطو کې ژوند کوي. یاد کسان یوه اونۍ مخکې له ګراند-سنت جمنازیم څخه ایستل شوي وو. د سازمانونو په وینا سرتېري هره ورځ د دغو کډوالو کمپونه له منځه وړي.
له تېرې چهارشنبې راهیسې د پاریس د منیل – املو د کډوالو په اداري توقیف ځای کې دوه ځله د ځان وژنې هڅې شوې دي. د مهاجر پلوه سازمان سیماد په حواله د اداري توقیف د مودې غځېدو د هغو کډوالو د ناامیدۍ لامل ګرځي چې اداري توقیف ځایونو کې په بند کې دي.
د فرانسې د شمالي سیمې قومندانۍ وایي چې د دولت شورا د امر پر بنسټ یې د ګرند سنت ښار یو جمنازیم ته نږدې د اوبو نلونه، شاورونه او تشنابونه نصب کړي دي. دغه ځای کې په سلګونو کډوال تر خیمو لاندې ژوند کوي.
په فرانسه کې بې سنده کډوال او پناه غوښتونکي له هغو روغتیایی خدماتو څخه برخمن کیدای شي چې فرانسویان هم ترې ګټه اخلي. کډوال نیوز معلومات ورکوي.
فرانسه کې ګڼ شمېر کدوال او پناه غوښتونکي پر شکر ناروغۍ اخته کېږي. ناسالم خوراکي رژیم، لټي او روغتیایي خدماتو ته نه لاس رسی او نور هغه لاملونه دي چې پر شکر ناروغۍ د اخته کېدو لامل کېدای شي.
اضطراب، روحي فشار، پر خپل ځان د اعتماد نشتوالي... د بې سرحده ډکټرانو سازمان د یو نوي رپوټ له مخې بلجیم کې کډوال د سختو شرایطو له کبله – په سړکونو کې اوسېدل، اداري ستونزې او د پولیسو ناسم چلند – په روحي ناروغیو اخته شوي دي.
د روغتيا د نړيوال سازمان په حواله مهاجر په اروپايي هيوادونو کي په بشپړه توګه روغتيايي نظام ته لاس رسی نه لري. په زیاته بیا حامله داره مېرمنې او ماشومان د روغتيايي ګواښونه سره مخامخ وي.
د روغتیا نړیواله اداره په یو نوي رپوټ کې وایي چې اروپا کې ځینې کډوال او پناه غوښتونکي له ژبې او سیمې سره د نابلدتیا له کبله له روغتیایي خدماتو څخه بې برخې دي. دغه اداره د ځینې اروپایي حکومتونو له سیاستونه څخه هم شکایت کوي.
د اکسفام سازمان د یو نوي رپوټ له مخې یونان کې د اومېندارو مېرمنو، بې سرپرسته ماشومانو او د شکنجې قربانیانو وضعیت د اندېښنې وړ دی. دغه سازمان وایي چې د اروپایي ټولنې غړي هیوادونه او یونان حکومت باید د دغو کډوالو وضعیت ته جدي پام وکړي.
سویس کې د یو نوي فرمان له مخې روغتونونه باید د بې سنده کډوالو په اړه چارواکو ته خبر ورکړي. دا په داسې حال کې ده چې سویسي ډاکټران وایي، دغه فرمان د مسلکي اصولو خلاف دی او دوی باید د ټولو ناروغانو درملنه وکړي.
د کالې ښار په ناقانونه کمپونو کې شاوخوا ۵۰۰ کډوال اوسېږي. د کډوالو حقونو مدافع بنسټونه وایي چې د کالې مهاجرو په ډله کې نږدې ۱۰۰ افغانان هم شته. کډوال نیوز تاسو ته د یو افغان کډوال رزاق سلطاني د ژوند په اړه رپوټ درکوي.