د اروپا سرحدونه چی د کورونا ویروس روغتیایي بحران له امله تړل شوي، په تدریج سره بیا پرانیستل شي. ټاکل شوی چې ځینې اروپایی هیوادونه خپل د پولې کنټرولونه د جون په ۱۵مه نیټه وځنډوی. کډوال نیوز د دی په اړه معلومات راکوی.
د ترکیې د پولې تر پرانیستل کېدو یوه اونۍ وروسته د دغه هیواد او د یونان پر ګډه پوله د ژوند شرایط خورا سخت شوي دي. ادېرنې سیمه کې ایسار کسان وایي چې غواړي له سیمې څخه ووځي.
یوناني چارواکي وايي چې پر پوله يي د هغو ۱۰ زره کډوالو مخه ډب کړې چې غواړي له ترکیې څخه د دوې خاورې ته دننه شي.
ځینو اروپایي هیوادونو او په ځانګړې توګه ایټالیا اروپا کې د کورونا ویروس د خپرېدا د مخنیوي لپاره احتیاطي تدابیر نیولي دي. خو دغه تدابیر پر مهاجرو څه اغېز لرلی شي؟ بشپړ معلومات.
د یونان سرحدي ځواکونو د نویو کډوالو د ورتګ د مخنیوي په موخه له ترکیې سره پولې ته څیرمه شمال شرقي برخه کې خپلې لارې تړلي، دغه ګام څو ساعته وروسته له هغه اخیستل کیږي چې ترکیې اروپا ته د تګ لپاره د کډوالو پر مخ لارې خلاصې کړې.
د ترکیې د ځایي رسنیو په حواله نن چهارشنبه په سلګونو کډوال له هغې وروسته له اروپا سره د ترکیې سرحدي سیمو په لور روان شول چې ترکي چارواکو د خپلو پولو د پرانېستلو اعلان وکړ. بل لور ته یونان ویلي چې خپلو سرحدونو کې یې امنیتي تدابیر دوچنده کړي.
تېره پنجشنبه د صربستان په سرحدي سیمه کې سلګونو کډوالو هنګري ته د ننوتلو په موخه یو لوی کاروان جوړ کړ. خو د دغه کاروان د ګډونوالو هیلې نیمګړې پاتې شوې، ځکه چې پولیسو یاد کسان د صربستان بېلابېلو مرکزونو ته انتقال کړل. له صربستان څخه رپوټ.
د آلمان د کورنيو چاو وزیر هورست زېهوفر غواړي چي د دغه هيواد پر سرحدونو کنترول ادامه پيدا کړي. له نوامبر راهيسي آلماني سرحدي پوليسو ۱۸۰ داسي اشخاص پر پوله ونيول چي و آلمان ته يې پر داخله ممانعت ؤ.
د چهار شنبې په ورځ (د ډسمبر ۴مه) سیماد، د بخښنې نړیوال سازمان، سیکور کاتولیک، د بې سرحده داکټرانو سازمان او د نړۍ ډاکټرانو ادارې د فرانسې له پارلمان څخه غوښتنه وکړه چي په سرحدونو کې له کډوالو سره د چارواکو چلند وڅېړي.
روسي چارواکو د چهارشنبې په ورځ وویل چې هغه قاچاق وړونکی یې نیولی چې له ۴ کډوالو څخه د پیسو اخیستلو لپاره یې د دغه هیواد په یوه ځنګل کې جعلي سرحد جوړ کړی و. چارواکو زیاته کړې چې یاد څلور کډوال له روسیې څخه په شړنه محکوم شوي دي.
د روان کال له جولای میاشتې راهیسې ایټالیا ته د تلونکو کډوالو د نیولو له پاره سلوانیایي سرتېرې له ایټالوي عسکرو سره ګډه ګزمه کوي. کډوال نیوز د سلوانیا په کوپر ښار کې له سرتېرو سره لیدلي دي.
سلوانیا یو کوچنی هیواد دی چې پناه غوښتونکو ته د سرپنا ورکولو له پاره یوازې یو مرکز پکې جوړ شوی. د «ویچ» په نامه د پناه غوښتونکو مرکز په لیوبلیانا ښار کې موقعیت لري او نږدې ۲۰۰ کډوال پکې اوسېدلی شي. خو اروپا ته راتلونکي کډوال یوازې څو ورځې په دې مرکز کې پاتې کېږي.