فرانسوي ځواکونو تېره پنجشنبه ګراند سنت ښار کې د مهاجرو یو لوی کمپ وتاړه. خو سازمانونه وایي چې چارواکو د کمپ ټولو اوسېدونکو ته سرپناه نه ده برابره کړې. دوی زیاتوي چې د پنجشنبې په شپه د مهاجرو یوې ډلې پخواني کمپ ته نږدې نوی پنډغالی جوړ کړی دی.
د ۲۰۲۲ د بودیجې د لایحې له مخې فرانسه په پام کې لري چې د اړمنو مهاجرو د اوسېدو لپاره ۸۰۰ نوي ځایونه جوړ کړي.
هغه افغانان چې په دې وروستیو کې له افغانستان څخه بریتانیا ته لیږدول شوي وايي چې په هوټلونو کې د قرنطین له ټاکلي مودې ډیر ساتل شوي. دغه افغانان وايي چې په هوټلونو کې ورسره د زندانیانو په څیر چلند ورسره کیږي.
د پاریس اندرې سیتروئن پارک کې جوړ شوی اعتراضي مهاجر کمپ تېره شنبه د فرانسوي چارواکو له خوا وتړل شو. دغه کمپ کې افغانان او افریقایان راټول شوي ول. فرانسوي پولیسو وایي چې د کمپ د خالي کولو عملیاتو په پایله کې یې ۱۲۰۰ کسانو ته سرپناه برابره کړې ده.
له تېرې چهارشنبې راهیسې د پاریس په اندرې ستروئن پارک کې چې د ایل دو فرانس قومندانۍ مخ ته موقعیت لري ۶۰۰ مهاجرو د رېکېزیسیون ټولنې په مرسته اعتراضي کمپ جوړ کړی. رېکېزیسیون له دولت څخه غواړي چې مهاجرو ته سرپناه برابره کړي.
د « ایر بی ان بی» خصوصي شرکت چې په نړۍ کې د کرايي کورونو او سیاحتي آسانتیاوو په برخه کې کار کوي،د سه شنبې په ورځ اعلان وکړ چې له جګړو څخه تښتیدلي ۲۰ زره افغانانو ته به په نړۍ کې وړیا استوګنځایونه برابر کړي.
د افغانستان په یو شمیر شمالي ولایتونو کې د جګړو له امله شاوخوا ۱۷ زره کورنۍ کابل ته پناه راوړې. د ماشومانو او ښځو په ګډون یو شمیر دغه بې ځایه شوې کورنۍ د کابل په یو شمیر سیمو کې ترشنه آسمان لاندې شپې سبا کوي.
د پاریس قومندانۍ پرون پنجشنبه د اګست ۵مه هغو ۱۰۴ کسانو ته سرپناه برابره کړه چې د اورک کانال په اوږدو کې اوسېدل. د یادو مهاجرو ډله کې زیات شمېر داسې کسان هم وو چې تر دې دمخه یې ووژ ډګر کې اعتراضي غونډه کړې وه، خو د جولای پر ۳۰مه د پولیسو عملیاتو کې ورته سرپناه نه وه برابره شوې.
امنیتي ځواکونو نن جمعه د جولای ۳۰مه د پاریس په ووژ ډګر کې جوړ شوی مهاجر کمپ خالي کړ. که څه د دغو عملیاتو په ترڅ کې کورنیو او کم سنه مهاجرو ته سرپناه برابره شوې، خو۱۵۰ تر ۱۸۰ نارینه مهاجر لا هم بې سرپناه دي.
د فرانسې پولیسو د پنجشنبه په ورځ پاریس ته نږدې د کډوالو له یوه کمپ څخه چې ۳۲۵ تنه پکې میشت و خیمې ټولې کړې. ډیری دغه کډوال چې د افریقايي هیوادونو دي د پاریس په ختیځه څنډه کې د پانتن او پورت دو له ویلت کې تر پولي لاندې خیمې تړلې وې.
د فرانسې په ختیځ کې کالې ښار ته نږدې، امنیتي ځواکونو د کډوالو یو کمپ چې ۱۳۰ تنه پکې ځای پر ځای شوي و، خالي کړي. چارواکي وايي چې کډوال تر هنګرونو لاندې چې د جوړیدو په حال کې و له خطره ډک حالت کې ژوند کاو خو مرستندویه ادارې بیا وايي چې کډوال له باران څخه د خوندیتوب لپاره دغلته اوسیدل.
فرانسوي چارواکي وایي هغه ۵۶۰ مهاجرو ته یې سرپناه برابره کړې ده چې د تېرې پنجشنبې په شپه یې د پاریس ښاروالۍ یا هوټل دو ویل مخې ته خیمې درولې وې.