ترکیه کې د یو افغان ځوان وژنه د افغانانو غصه راپارولې
۲۵ کلن افغان ځوان شفیق ستانکزی چې اروپا ته پر لار د ترکیې پولیسو د ناوړه چلند له امله يي خپل ژوند له لاسره ورکړی و په ټولنیزو شبکو کې يي د افغانانو غصه راپارولې.
سفر
پر قاچاقي لارو اروپا ته د افغانانو راتګ څه ډول ترسره کیږي؟
له افغانستان څخه ترکیې او بیا له هغه ځایه اروپايي هیوادونو ته په قاچاقي لارو د افغان کډوالو راتګ یوه نوې خبره نه ده، خو په دې وروستیو کې پر دغو خطرناکو لارو د افغان ځوانانو شمیر ډیر شوی. ګڼ شمیر ځوانان پر دغو لارو خپل ژوند له لاسه ورکوي او د انساني قاچاقچیانو ښکار ګرځي. حتی پر دښتو او غرونو د ځینو د مړي او ژوندي په اړه هیڅ خبر نه وي.
سلوانیا: په یوه اورګاډي کې ایټالیا ته تلونکي ۱۰۳ کډوال نیول شوي
د سلوانیا امنیتي ځواکونه وایي چې د سه شنبې په شپه په یوه اورګاډي کې تر ۱۰۰ ډېر پناه غوښتونکي نیولي دي چې ایټالیا ته یې د ورتګ هڅه درلوده.
افغانستان: د بهرنیو ځواکونو د پخوانيو همکارانو او له «عذر» پرته بهر ته د خلکو پر سفر له بندیز څخه د کورونو د پلټنو تر پیل پورې
طالب وسله والو له افغانستان څخه د خلکو پر وتلو بندیزونه لګولي دي. د طالبانو ویاند پرون یکشنبه وویل چې هغه ښځې چې شرعي محرم ورسره نه وي او دغه راز هغه کسان چې له «عذر» پرته غواړي له افغانستانه ووځي، مخه یې نیول کېږي. بل لور ته له افغانستان څخه د ناټو او امریکا د پخوانیو همکارانو پر وتلو بندیز لګول شوی دی. دا په داسې حال کې ده چې طالبانو له څو ورځو راهیسې د افغانستان په پلازمېنه او ځینو شمالي ولایتونو کې د خلکو د کورونو تلاشي هم پیل کړې ده.
یوه افغانه نجلۍ له ۷ میاشتې پیاده مزل وروسته ترکیې ته رسیدلې
«آزا» هغه افغانه نجلۍ ده چې له ۷ میاشتو پیاده مزل وروسته يي له افغانستان څخه ځان ترکیې ته رسولې وه اوس په ناروې کې يي د پناه غوښتنه کړې.
د افغانستان او ایران د پولې تړل کیدل ګڼ شمیر افغانان له ستونزو سره مخامخ کړي
د کرونا ویروس د نوې بڼې له امله یوه ځل بیا ایران له افغانستان سره خپله پوله تړلې چې له دې سره زرګونه افغانان چې غواړي دغه هیواد ته ولاړ شي د اسلام قعله په بندر کې ایسار پاتي دي.
کالې او ګراند سنت: د کښتۍ ډوبېدو پېښې سربېره لا هم کډوال برتانیا ته تلل غواړي
د تېرې چهارشنبې په ورځ انګلیس کانال کې د کډوالو د یوې کښتۍ د ډوبېدو پېښې سربېره لا هم ډېری هغه مهاجر چې په کالې او ګراند سنت ښارونو کې ایسار پاتې دي غواړي چې د انګلیس کانال له لارې برتانیا ته واوړي.
پاکستان: د بلوچستان اوسیدونکي چې افغانانو ته ځای ورکړي مجازات کیږي
د پاکستان په بلوچستان ایالت کې چارواکو پریکړه کړې که د دغه ایالت اوسیدونکي هر هغه افغان ته پناه ورکړي چې په دې وروستیو کې له افغانستان څخه ورغلي وي او د تل لپاره د اوسیدو هیله ولري، سزا ورکول کیږي.
د فرانسې او قطر د بهرنیو چارو وزیران له افغانستان څخه د یو شمیر خلکو پر ایستلو خبرې کړي
د فرانسې د بهرنیو چارو وزیر قطر ته د خپل سفر په لړ کې د دغه هیواد د بهرنیو چارو له وزیر سره، له افغانستان څخه د یو شمیر خلکو د ایستلو پروسې د بیا پیلولو او د سولې په اړه خبرې کړي دي.
یونان: افغان کډوال له بند کمپ څخه د آزادۍ غوښته کوي
د یونان په شمال شرقي ښار زانتي کې د کډوالو په یو بند کمپ کې لسګونه افغانان د پولیسو په قید کې ساتل کیږي. دغه افغانان وايي چې پرته له کوم جرم څخه مونږ د میاشتو لپاره د پولیسو لخوا ساتل کیږو. دوې له دغه کمپ څخه د آزادۍ غوښتنه کوي.
افغان کډوال د رومانیا تمېشوارا ښار کې: «لاره له ګواښونو ډکه ده، خو بله چاره نه ده را پاتې»
نن سبا ډېری افغان مهاجر هڅه کوي چې د صربیا له لارې لومړی د رومانیا تمېشوارا ښار او وروسته بیا هنګري ته واوړي. خو د مهاجرت لار له ګواښونو ډکه ده. عصمت الله یو له هغو کسانو دی چې د مهاجرت پر لاره سخت ټپی شوی دی. هغه د خپلو سترګو لیدلی حال وایي.
رومانیا: بوخارست یا هغه ښار چې ستومانه مهاجر پکې پناه اخلي
له تېرې څه مودې راهیسې رومانیا د مهاجرت پر نوې لارې د بدلېدو په حال کې ده. د دغه هیواد پلازمېنه بوخارست کې د مهاجرو مدافع بنسټونه وایي چې سږ کال ډېری هغه کسان چې له صربیا څخه رومانیا ته رسېدلي افغانان دي. ځینې سازمانونه په دې اند دي چې د رومانیا حکومت نه غواړي د افغان مهاجرو د نویو څپو هرکلی وکړي، خو ځینې نور بیا له دغې خبرې سره موافق نه دي. له بوخارست څخه ځانګړی راپور.