یوناني چارواکي وایي چې د دغه هېواد امنیتي ځواکونو تېر کال د اوروس سمندر په اوږدو کې څه باندې ۱۳۰۰ قاچاق وړونکي نیولي دي. زیاته شوې چې په ۲۰۲۲ کې تر ۲۵۶ زرو ډېرو کډوالو د اوروس سمندر له لارې له ترکیې څخه د یونان خاورې ته د ننوتو هڅه کړې ده.
له فرانسې څخه بریتانیا ته په وړو کښتیو کې د کډوالو اوښتل په نوي کال کې یو ځل بیا د دوشنبې په ورځ له سره پیل شو. لسګونه کډوال چې په دوو کښتیو کې يي بریتانیا ته د اوښتو هڅه کوله، د فرانسې په ختیځ کې د سمندري ځواکونو لخوا و ژغورل شو.
انګلیس کانال کې د کډوالو د کښتۍ ډوبېدو پېښې پوره یو کال وروسته کډوال نیوز د فرانسې د دنکرک ښار لون پلاژ کمپ ته تللی دی. په دغه کمپ کې سلګونه کډوال په خورا سختو شرایطو کې ژوند کوي چې په ډله کې یې ګڼ شمېر افغانان هم دي. د کمپ ډېری اوسېدونکي وایي چې د مخنیوونکو اقداماتو او ګواښو سربېره برېتانیا ته تلل غواړي.
د یونان پولیس وایي چې د تېرې چهارشنبې په ورځ یې یو ترکی تبعه د کډوالو د قاچاق په تور نیولی دی. د پولیسو په وینا د دغو عملیاتو په ترڅ کې څلور تنه بهرنیان هم موندل شوي دي.
د ۲۰۲۱ د نومبر په ۲۴مه انګلیس کانال کې د کډوالو د کښتۍ له ډوبېدو یو کال وروسته قضایي پلټنو د فرانسې د ژغورنې په سیستم کې جدي ستونزې او نیمګرتیاوې په ګوته کړې دي. موندنې ښيي چې که څه هم دغه کښتۍ کې سپرو کډوالو څو ځله له چارواکو سره اړیکه نیولې وه، خو چا ورسره مرسته نه وه کړې.
د فرانسې حکومت هغو ۲۳۴ کډوالو ته پناه ورکوي چې څو ورځې وړاندې د ایټالیا په خاوره کې د دوې کښتۍ ته اجازه ورنکړل شوه. د "اوشین ویکنګ" دغه بشر دوستانه کښتۍ چې ۱۸ ورځې په سمندر کې بند پاتې وه اوس د فرانسې لورې ته په حرکت کې ده چې څلور مسافر يي د روغتیايي درملنې لپاره د فرانسوي چارواکو په امر د درمنلې په موخه ایستل شوي.
یوه مرستندویه کښتۍ چې د انګریز چینل په سمندر کې د انسانانو د ژغورلو دنده لري داسې یوه غمجنه ویډیو خپره کړې چې په کې د یوې ۱۴ کلنې نجلۍ په ګډون یوه کورنۍ له سمندر څخه ژغوري. په ویډیو کې د ژغورلو پر مهال د کورنۍ ځینې غړي په فارسي خبري کوي چې ګمان کیږي افغانان دي.
یوناني چارواکي وایي د ترکیې امنیتي ځواکونو د کډوالو یوه ډله چې شمېر یې ۹۲ تنو ته رسېږي دې ته اړ کړې چې په لوڅ حالت کې د اوروس سیند له لارې یونان ته واوړي. ډېری دغه کسان د افغانستان او سوریې اتباع دي. په ورته مهال ترکیې د دې ادعا په ردولو سره له یونان څخه غوښتي دي چې د کډوالو پر وړاندې له غیرانساني چلنده لاس واخلي.
د بلغاریا چارواکي وایي چې د تور سمندرګي په شمال ختیځه شبلا دماغه کې د کډوالو یوه ډله موندلې ده چې ویل کېږي افغانان هم پکې شامل دي.
له ناقانونه کډوالۍ سره د مبارزې مرکزي اداره وایي چې د فرانسې په شمالي سیمه کې یې د انساني قاچاقبرو یوه مهمه ډله له منځه وړې ده. د عراقي کردانو دغې ډلې د انګلیس کانال له لارې کډوال برېتانیا ته انتقالول. د دې عملیاتو په پایله کې د سمندري وسایلو یوه ډیپو هم موندل شوې ده.
د ترکیې سمندري ځواکونه وایي چې د دغه هېواد په ساحلي اوبو کې یې ۲۰۳ غیر قانوني کډوال ژغورلي دي. د ژغورل شویو کسانو له ډلې څخه ۱۸۱ تنه یې د یونان سمندري ځواکونو له خوا د ترکیې پر لور شړل شوي وو.
یوناني چارواکي خبر ورکوي چې پرون چهارشنبه په لسهاوو کډوال د دغه هېواد د کیترا ټاپو کپسالي بندر ته رسېدلي دي. دوی وایي چې یاد کډوال چې په دله کې یې زیات شمېر افغانان هم دي په دوو کښتیو کې سپاره ول.