د صربیا امنیتي ځواکونه وایي چې د جمعې په ورځ یې له هنګري سره پر پوله ۶۰۰ غیرقانوني کډوال نیولي دي. دغه کډوال وروسته له هغه ونیول شول چې د صربیا په هورګوس ښار کې د تېرې پنجشنبې په ورځ د کډوالو ترمنځ نښته کې یو تن په ډزو ووژل شو.
وروسته له هغه چې پرون پنجشنبه یوناني ځواکونو د یونان پلازمېنه اټن کې د الیوناس له مهاجر کمپ څخه د کډوالو د ایستلو په موخه د خنډونو د لرې کولو هڅه وکړه، د هغوی او مهاجرو ترمنځ شخړه رامنځ ته شوه. دغه خنډونه د کمپ اوسېدونکو جوړ کړي وو. چارواکي وایي دوی توانېدلي چې لسګونه کډوال له دغه کمپ څخه وباسي، خو سلګونه نور لا هم هلته پاتې دي.
د صربیا ملي راډیو ټلویزیون آر تي اس خبر ورکړی دی چې له هنګري سره پر پوله د صربیا په سوبوتیکا سیمه کې د کډوالو ترمنځ نښته کې یو تن وژل شوی او د یوې کم عمر لرونکې مهاجرې په ګډون لږ تر لږه ۶ تنه نور ټپیان دي.
ترکي رسنۍ وایي نن دوشنبه د ترکیې په سوېل لویدیز سیرت ولایت کې د امنیتي ځواکونو او انساني قاچاق وړونکو ترمنځ شخړه کې دوه مهاجر وژل شوي او ۱۰ تنه نور ټپیان دي.
د فرانسې د کالې سیمې قومندانۍ ویلي نن جمعه د جون میاشتې ۴مه یې ویروال سیمه کې د یونیکورن په نامه هغه کمپ تړلی دی چې سلګونو مهاجرو پکې په هنګرونو کې ژوند کاوه. په خبره یې نږدې ۵۰۰ کسانو ته سرپناه برابره شوې. په ورته مهال سازمانونه وایي چې دغه عملیاتو اصلي ستونزه هوارولی نه شي.
له تېرې جمعې راهیسې لږترلږه ۷۰۰ مهاجرو له فرانسې څخه د مانش کانال له لارې ځانونه برتانیا ته رسولي دي. په ورته مهال چارواکي وایي د هوا د حالاتو ښه والی د دې سبب شوي چې زیات شمېر مهاجر له سمندره د تېرېدو لپاره هڅه وکړي.
د بوسنیا پولیس وایي چې د چهارشنبې په شپه د دغه هیواد پلازمېنې سراییوو ته نږدې بلاژوی مهاجر کمپ کې د کډوالو ترمنځ شخړې په پایله کې کې دوه سرتېري ژوبل شوي دي.
بوسنیایي پولیسو پرون پنجشنبه وویل چې د دغه هیواد په شمال لوېدیځه سیمه کې د مهاجرو ترمنځ د شخړې په پایله کې دوه کسان وژل شوي دي. دا په داسې حال کې چې ځایي چارواکو د چهارشنبې په ورځ بیهاچ ښار ته نږدې له بیرا مرکز څخه سلګونه مهاجر لیپیا کمپ ته انتقال کړل.
د یونان موریا کمپ ته نږدې یو افغان مهاجر د چړو په ګوزارونو وژل شوی دی. د روان میلادي کال له پیله راهیسې دا اووم ځل دی چې یو مهاجر د کډوالو ترمنځ د شخړو پر مهال وژل کېږي.
د رپوټونو په حواله د اپریل پر ۲۸مه د یونان او ترکیې په ګډه پوله یو ترکي سرتېري د یونان او جرمني پر سرحدي پوله ساتونکو ډزې کړې دي. پېښه کې چا ته زیان نه دی رسېدلی.
څو ورځې مخکې د پاکستاني کډوالو یوه ډله د ایران او ترکیې په پوله کې وموندل شوه. دوی ادعا کوي چې هغه مهال د یوه ځایي ټکسي چلوونکي لخوا هغه ژغورل شوي کله چې د ترکیې چارواکو لخوا ایران ته اخراج شوي وو.
د یونان خبري اژانس انا په حواله تېره ورځ د یونان په ساموس ټاپو کې د پولیسو او د کډوالو یوې ډلې ترمنځ له هغې وروسته شخړې رامنځته شوې چې نږدې ۲۰۰ مهاجرو کمپ کې د خراب وضعیت پر وړاندې احتجاجونه وکړل او له یاد ټاپو څخه د وتلو اجازې د ترلاسه کولو غوښتنه وکړه.