د ایران پارلمان نږدې ۳۰ غړو د دغه هیواد د اسلامي شورا مجلس ته یوه طرحه وړاندې کړې چې له مخې یې پولیسو ته اجازه ورکړل شوې پر هغو موټرو ډزې وکړي چې د غیرقانوني مهاجرو د انتقالولو شک پرې کېږی. طرحه کې دغه راز د غیرقانوني مهاجرو لپاره د زندان او جریمې سزاګانې په پام کې نیول شوې دي.
سربیره پر دې چې د ډوبلین ۳ مقرراتو په اړه ګڼې پوښتې او اندیښنې شته، ښايي پر ځای يي داسې یو سیستم رامنځ ته شي چې له دې هم بد تر وي. مهاجر نیوز یو شمیر اروپايي هیوادونو کې له ډوبلیني کډوالو سره مرکه کړې تر څو دا برسیره کړي چې ډوبلین د دوې پر ژوند څخه اغیز کړی.
د ایټالیا حکومت نن سه شنبه وویل چې په پام کې لري د دغه هیواد د کورنیو چارو پخواني وزیر ماتیو سالویني له خوا د مهاجرو پر وړاندې لګول شوي محدودیتونه نړم کړي.
په فرانسه کې د کرونا ویروس کړکیچ، د هغو کډوالو ستونزې برسیره کړې چې په ناقانونه ډول يي د خوراک د لیږدلو، کرهڼې او د فاضله موادو په تنظیم کې دنده تر سره کوله. د کډوالو ملاتړ د یوې ټولنې په خبره، شاوخوا ۳۵۰ زره بهرني کاریګر چې په فرانسه کې له قانوني اسنادو پرته ژوند کوي « د سرمایې په تولید» کې مهمه ونډه لري. ډیری سازمانونه، ټولنې او د پارلمان غړي دوې ته د اسنادو د ورکړې غوښتنه کړې.
د یونان پارلمان د پنجشنبې په شپه (د اکټوبر ۳۱مه) د دغه هیواد د پناه غوښتنې نوی قانون تصویب کړ چې له مخې به یې یونان کې د پناه غوښتنې شرایط نور هم سختېږي. دا په داسې حال کې چې نړیوالو ادارو لکه اروپایي شورا او د بخښنې نړیوال سازمان پر دغه قانون نیوکه کړې ده.
د یونان پارلمان د پنجشنبې په ورځ (اکتوبر۳۱مه نیټه) د پناه غوښتونکو په هکله د یوه قانون د تصویبولو په هکله بحثونه کوي چي ویل کیږي د پناه غوښتنې شرایط لا سختوي. د دې قانون پر ضد همدا اوس غږونه پورته سوي.
فاطمه. اي چي حجاب کوي د شورا استازی جولین اوډول پر وړاندي د چهارشنبې په ورځ (اکتوبر۱۶مه) دوه شکایتونه ثبت کړل. همداراز کډوال نیوزپه اروپایي هیوادونو کې پر بشپړ مخ پټولو بندیزونه په اړه څانګړي راپور جوړ کړی ده.
د آلمان داخله وزير دغو نوو قوانينو ته د «منظم بېرته تللو قانون» خطاب کوي. خو د مهاجرو ملاتړ کوونکي سازمانونه ورته د «ورک سئ قانون» نوم کاروي. د ايالتونو فدرالي شورا په جمعه ورباندي رايه اچونه کوي.
پرواکتیوا اوپن ارمز سازمان وایي چمتو دی په مرکزي مدیترانه کې د کډوالو د ژوند د ژغورلو له پاره درنې جرمانې ورکړي او یا هم په بند محکوم شي. د یاد سازمان د ژغورنې کښتۍ د لیبیا د ساحلي اوبو په لور روانه ده.
د یکشنبې په شپه (د مې ۱۹مه نېټه) ۴۷ کډوال د ایټالیا د سیسیل ښار په لامپدوسا بندر کې له سي واچ کښتۍ څخه ښکته کړل شول. دا په داسې حال کې چې د ایټالیا قضایي ارګانونه د یادې کښتۍ د ضبط کېدو امر صادر کړی و. بل لور ته د ایټالیا کورنیو چارو وزیر ماتیو سالویني لامپدوسا بندر کې د کډوالو د ښکته کېدو پر وړاندې غوصه ښودلې ده.
ایرانۍ سوکوهونکۍ صدف خادم چې د شنبې په ورځ یې د فرانسې په رویان ښار کې خپله لومړۍ رسمي لوبه وګټله خپل هیواد ته نه ستنېږي. د رپوټونو له مخې ایران کې د اغلې خادمي او د هغې د مربي مهیار منشي پور د نیولو امر شوی دی.
د آلمان کابینې د «تنظیم شوي اخراج» په نامه د قانون پر یوې مسودې د چهارشنبې په ورځ وروسته له هغې توافق وکړ چې په دې وروستیو کې د پناه غوښتونکو اخراجونه له ناکامۍ سره مخامخ شوي ول. په دې قانون کې د پناه غوښتونکو توقیف هم شامل دی.