له تیرې یوې میاشتې راهیستې د بشري حقونو د مدافعینو، ژورنالیستانو او د پخواني حکومت د کارکوونکو په ګډون د سلګونه افغانانو احتجاج د پاکستان په اسلام اباد ښار کې دوام لري. اجتجاج کوونکي هیله لري چې لویدیځ هیوادونو ورته پناه ورکړي خو د دوې په خبره په پاکستان کې د ملګرونو ملتونو د کډوالۍ اداره او اړوند سفارتونه يي غوښتونو ته رسیدنه نه کوي.
هغه افغان کډوال چې پر کابل د طالبانو تر ولکې وروسته پاکستان ته داخل شوي دغه هېواد کې له یو لړ ستونزو سره مخ دي. يو شمېر افغان پناه غوښتونکو له تېرو څلورو ورځو راهيسې په اسلام اباد کې د نېشنل پرېس کلب مخې ته پرلت وهلی او د کډوالو لپاره د ملګرو ملتونو له عالي کمشنرۍ څخه غوښتنه کوي چې د دوی ستونزو ته پاملرنه وکړي.
په پاریس او لندن ښارونو کې سلګونه افغانانو په ایران کې له افغان کډوالو سره د ناوړه چلند او د پاکستان له خاورې پر افغانستان د هوايي بریدونو پر وړاندې سړکونو ته راوتي و او د ایران او پاکستان په پر ضد يي د شعارونو په ورکولو سره د عدالت غوښتنه کوله.
د ترکیې د بهرنیو چارو وزیر مولود چاووش د سه شنبې په ورځ وویل چې د افغانستان وضعیت د دې ښودنه کوي چې مونږ د ډله ایزې کډوالۍ له نوې څپې سره مخامخ یو. بل پلو کابل کې د ترکیې لسګونه پخواني افغان کارکوونکي د دغه هیواد سفارت مخې ته لاریون کړی.
د کډوالۍ د ملاتړ یو شمیر سازمانونه او د پارلمان د غړو په ګډون سلګونه تنه د بریتانیا په پلازمینه لندن ښار کې د پارلمان مخې ته راټول شوي و او د پناه غوښتنې د نوې مقررې د تصویب د مخنیوي غوښتنه يي کوله.
تېره شنبه د فرانسې په کالې ښار کې تر ۶۰ ډېرو کسانو د پولیسو د قومندانۍ د هغه فرمان د بیا تمدید کېدو پر ضد مظاهرې وکړې چې له مخې یې له تېرې سپتمبر میاشتې راهیسې د دولت له خوا ناتید شوي سازمانونه د ښار په مرکز کې پر مهاجرو د خوړو د وېشلو اجازه نه لري.
د اسکاټلند امنیتي سرتېرو تېره شپه له هغې وروسته دوه مهاجر خوشي کړل چې د ګلاسګو ښار سلګونو اوسېدونکو د اختر په لومړۍ ورځ کې د یادو مهاجرو د شړلو پر وړاندې مظاهرې وکړې. دغه دوه هندي مهاجر تېره ورځ د سهار له خوا ګلاسګو کې نیول شوي وو.
پرون چهارشنبه د پاریس په رپوبلیک ډګر کې د مهاجرو تر مظاهرې وروسته تر ۷۰۰ ډېرو کسانو ته سرپناه برابره شوې ده. د کولکتیف رکېزیسیون ټولنې په حواله نږدې سل تنه نور لا هم بې سرپناه پاتې او د سرکونو پر غاړو شپه سبا کوي.
لسګونه بې اسناده کډوال د جمعې په ورځ د مارچ په ۱۲ مه، د پاریس د پولیسو قومندانۍ دفتر مخې ته د اعتراض په ډول راټول شوي ول. دغه اعتراض کوونکي وايي چې په یاده اداره کې د استوګنې جواز د لاسته راوړلو لپاره د ملاقات وخت اخیستل ورته ستونزمن شوی.
د کډوالۍ د نړیوالې ورځې په مناسبت، زرګونه بې اسناده کډوال د جمعې په ورځ د ډسمبر په ۱۸ مه د پاریس په ګډون د فرانسې بیلابیلو ښارونو کې سړکونو ته راوتلي ول.دوې د خپلو حقونو او قانوني کیدو غوښتنه کوله.
تېره شنبه د برتانیا ساحلي دوور ښار په دوو برخو کې مهاجر پلوو او د کډوالو ضد فعالانو لاریونونه وکړل. ډېری هغه کسان چې د مانش کانال له لارې برتانیا ته د ورتګ لپاره هڅه کوي په لومړي سر دوو ښار ته رسېږي.
ایټالوي چارواکو پرون چهارشنبه په کورونا ویروس اخته ۱۳ مهاجر د کالابریا سیمې له امانتیا ښار څخه د روم یو نظامي روغتون ته انتقال کړل. په ورته مهال د کالابریا چارواکي وایي چې له سمندره ژغورل شوي مهاجر باید د ایټالیا په بندرونو کې قرنطین شي.