په برېتانیا کې یو شمېر نارینه ځانونه د پیسو په بدل کې ځانونه د هغو نویو زېږېدلو ماشومانو پلرونه معرفي کوي چې مېندې یې غواړي په دغه هېواد کې مېشتې شی. د بي بي سي د یو راپور له مخې، دغه شبکه د برېتانیا په بېلابېلو برخو کې فعاله ده.
د اروپا د بشري حقونو محکمې تېره اونۍ فرانسه د بهرنیو ماشومانو د بندي کولو په تور محکومه کړه. له ۲۰۱۲ راهیسې دا ۱۱م ځل دی چې فرانسه د اروپا د بشري حقونو محکمې له خوا د کم عمر لرونکو کډوالو د بندي کولو په تور محکومېږي.
د فرانسې د حقونو مدافع اداره وایي چې په ۲۰۲۲ کې اداري خدماتو ته لاسرسی تر پخوا سخت شوی او آنلاین اداري پروسه کې د بهرنیانو له حقونو د سرغړونو پېښو کې د پام وړ زیاتوالی راغلی دی. یادې ادارې ویلي چې تېر کال یې زرګونه شکایتونه ثبت کړي دي.
په فرانسه کې زدکړې جبري دي او ټول والدین اړ دي چې خپل ماشومان ښوونځي ته واستوي. هر کال سلګونه کډوال ماشومان د فرانسې په بېلابېلو ښارونو کې ښوونځی پیلوي. ځینې ماشومان بیا د کور د نه لرلو له امله د سړکونو پر سر شپې سبا کوي. که څه هم دغه ماشومان له سختو ستونزو سره مخ دي، خو ښوونځی د هغوی لپاره یو ښه چانس هم بلل کېږي. د پسرلي په را رسېدو سره د یادو ماشومانو شمېر کې ډېروالی راتلی شي.
فرانسوۍ روانکاوه هالا کېرباژ د مونپلیې په روغتیایي مرکز کې کار کوي. نوموړې کډوال نیوز سره مرکه کې هغو کورنیو ته مشوره ورکړې چې ماشومان یې له روحي ستونزو سره مخ دي. نور جزیات لاندنیو سلایدونو کې.
د رسنیو د راپورونو له مخې یو شمېر افغان کورنیو له ښوونځي څخه د خپلو ماشومانو د لرې پاتې کېدو په خاطر د برېتانیا د کورنیو چارو وزارت پر وړاندې محکمې ته شکایت ثبت کړی دی. دوی وایي وروسته له هغه چې چارواکو له لندن څخه د برېتانیا یوې بلې سیمې ته واستولې، ماشومان یې نه توانېدل چې ښوونځي ته لاړ شي.
په داسې حال کې چې په هالنډ کې پناه غوښتونکي د سرپناه له کموالي سره مخ دي، د دغه هېواد چارواکي د تېر اپل د مهاجرو په مرکز کې د یوه درې میاشتنۍ ماشوم د مرګ خبر ورکړی دی. د دغې پېښې په هکله پلټنې پیل شوې دي.
یوناني چارواکي وایي چې هغه ۳۸ کډوال یې موندلي دي چې د کډوالو په چارو کې د ملګرو ملتونو عالي ادارې په حواله له تېرو څو ورځو راهیسې د اوروس سمندر پر یو کوچني ټاپو ایسار پاتې وو.
د اوروس سمندر کوچني ټاپو کې یوه پنځه کلنه نجلۍ د تېرې دوشنبې په شپه د لړم له چیچل کېدو وروسته مړه شوې ده. نوموړې یوه له هغو ۷۰ کډوالو وه چې له تېرو څو ورځو راهیسې دغه ټاپو کې بند پاتې دي. له دې سره د مړو شمېر څلورو کسانو ته رسېږي.
یوه مېندواره افغانه ښځه چې له نورو کډوالو سره یو ځای د سمندر له لارې له ترکیې څخه د یونان پر لور روانه وه، وروسته له هغې یې په کښتۍ کې ماشوم وزېږاوه چې د دوی کښتۍ د یوناني ځواکونو له خوا پر شا وتمبول شوه.
د یوناني رسنیو په حواله د دغه هېواد ساحلي ځواکونو د اژې سمندر په کارپاتوس اوبو کې بند پاتې ۱۷۲ کډوال ژغورل شوي دي. د رسنیو له مخې یاد کډوال د یونان کس ټاپو ته لېږدول شوي دي.
د افغانستان د بیا رغونې لپاره د امریکا ځانګړی څارونکی یا سیګار وایي چې په روان میلادي کال کې به ۳،۲ میلیونه افغان ماشومان له خوارځواکۍ سره وکړېږي. یادې ادارې د یونیسف د یو راپور پر بنسټ خبرداری ورکړی دی چې ښایي په ۲۰۲۲ کې یو میلیون ماشومان د سختې خوارځواکۍ له امله مړه شي.