واک ته د طالبانو له رسېدو سره د معلولانو د باسکټبال لوبډلې د ستورې نیلوفر بیات ژوند بدل شو. هغه چې په خپله رشته کې مشهوره ده اوس له خپل مېړه سره یو ځای د اسپانیا په بیلباوو ښار کې اوسېږي. نوموړې د معلولو ورزشکارانو پر غږ بدله شوې ده.
د فرانسې د کورنیو چارو وزارت داسې ویب سایټ جوړ کړی چې مرستندویه ادارې له افغان او نورو کډوالو سره وصلوي. په دغه ویب سایټ کې د سوسیال کور موندلو، فرانسوي ژبې د زده کړو او اداري پروسیجرونو ترڅنګ نور اړین معلومات په اوه ژبو کډوالو ته وړاندې کیږي.
ماهانا جامي یوه معلوله ایرانۍ ښځه ده چې د صربیا د کډوالو په یو کمپ کې ژوند کوي. نوموړې د خپلو پښو شلوالي سره سره وتوانېده چې د ایران «برج میلاد» ته وخېژي. اغلې جامي وایي هیله لري چې المان ته ولاړه شي او د نړۍ نورو برجونو ته هم وخېژي.
حسام د سوريې په هيواد کې کوڼ او ګونګی پيدا سوی دی. وروسته هغه په اتريش کې د مهاجر په توګه خپل ځان ته معلولتوب خنډ ونه باله او په لوی اليکترونيکی شرکت کې کار کوي.