د سویس د شکنجې د مخنیوي ملي کمېسیون په خپل نوي راپور کې له اخراج شویو کډوالو سره پر غیر انساني چلن نیوکه کړې ده. دغه راپور کې راغلي دي چې د سویس امنیتي چارواکو له یوې مېنداورې ښځې سره د هغې د ماشومانو په وړاندې «غیر انساني» چلن کړی دی.
د هنګري چارواکي وایي چې د روان کال تر دې دمه یې دغه هېواد ته د ۱۵۰ زره مهاجرو د اوښتو مخه نیولې ده. تېر کال همدې موده کې هنګري ته د ۴۳ زره مهاجرو د داخلېدو مخنیوی شوی و. هنګري په وار وار په دې تورنه شوې ده چې مهاجر په ناقانونه او تاوتریخجنه طریقه له خپلو پولو څخه په شا تمبوي.
وروسته له هغه چې پر خواله رسنیو ځینې داسې ویډیوګانې خپرې شوې چې ښيي ایران کې له افغان کډوالو سره ناوړه چلن کېږي، پرون دوشنبه د افغانستان په ځینو سیمو کې د ایران پر ضد مظاهرې وشوې. هرات کې بیا ځینو مظاهره کوونکو د ایران کنسلګرۍ دروازې ته اور واچاوه. په ورته مهال د ایران د بهرنیو چارو وزارت ویاند افغانستان کې د ایران د سیاسي استازولیو د خوندیتوب غوښتونکی شوی او ویلي یې دي چې ایران ته د افغان کډوالو څپه نور نه شي ادامه موندلی.
فرانسه کې مهاجر پلوه سازمانونو په خپل کلني راپور کې لیکلي دي چې تېر کال د فرانسې په اداري توقیف ځایونو کې بې سنده بهرنیان له «نامناسب» او «نامتناسب» چلند سره مخ شوي دي.
د اروپا د بشري حقونو محکمې پرون سه شنبې د مارچ ۲مه هنګري په دې تورنه کړه چې په ۲۰۱۷ کې یې د یوې مهاجرې کورنۍ له انساني حقونو څخه سرغړونه کړې ده. د محکمې خبرپاڼه کې راغلي چې هنګریایي چارواکو د څلورو میاشتو لپاره د دغه کورنۍ پر پلار د خوړو وېشل بند کړي وو.
د اروپایي ټولنې د جزایي محکمې عمومي مدافع وکیل د پنجشنبې په ورځ وویل چې د هنګري د روسکي کمپ اوسېدونکو سره د «بندیانو» په څېر چلند کېږي. ټاکل شوې چې یاده محکمه په راتلونکو اونیو کې د هنګري په اړه پرېکړه وکړي.
د رفیوجيز انټرنشنل په نامه یو سازمان په خپل رپوټ کې وایي چې ترکیه کې افغان کډوال په ډېرو سختو او نامناسبو شرایطو کې ژوند تېروي.
د اروپایې شورا د شکنجې ضد کمیټې د هنګري پولیس له مهاجرو سره په ناوړه چلند تورن کړی دی. د نورو تر څنګ د دغه هیواد د امنیتي ځواکونو له خوا د مهاجرو په ډنډو او لغتو د وهل کېدو رپوټونه ورکړل شوي دي.