ولسمشریزې ټاکنې

• فرانسه

د فرانسې د کورنیو چارو وزیر ژرالد درامنن وایي چې فرانسه له خپلې خاورې څخه افغان کډوال بېرته افغانستان ته نه ستنوي. ایا دا خبره سمه ده؟ بشپړ معلومات لاندني مطلب کې.

• فرانسه

د فرانسې ولسمشریزو ټاکنو کې تېره یکشنبه د ښې اړخې افراطي سیاستوالې مارین لوپن دویم پړاو ته لار وموندله. هغه وایي چې د بریا په صوت کې به د کډوالۍ په هکله خپل پروګرامونه عملي کوي. کډوال نیوز له هغو سند لرونکو او سند نه لرونکو بهرنیانو سره خبرې کړې دي چې په فرانسه کې اوسېږي او په دې اړه یې د هغوی نظرونه پوښتلي دي.

• فرانسه

د فرانسې اوسني ولسمشر او ولسمشریزو ټاکنو ته نوماند امانویل مکرون او د ښې اړخې سیاستوالې مارین لوپن پرون یکشنبه د ولسمشریزو ټاکنو دویم پړاو ته لاره وموندله چې د اپریل پر ۲۴مه به ترسره کېږي. دواړه نوماندان د کډوالۍ په هکله بېلابېل پروګرامونه لري.

• فرانسه

د فرانسې ولسمشریزو ټاکنو په را رسېدو سره ځینې نوماندان د کډوالو په هکله ناسمې ادعاوې کوي. ځینې نور بیا له کلونو راهیسې د کډوالۍ ضد بحثونه کوي. بشپړ معلومات لاندې مطلب کې.

• فرانسه

د فرانسې د ولسمشریزو ټاکنو ښي اړخې نوماند اریک زمور چې تل يي د کډوالۍ ضد سیاست غوره کړی وايي، که د ۲۰۲۲ کال په ولسمشریزو ټاکنو کې بریالی شي نو له فرانسې څخه د یو میلیون بهرنیانو د ایستلو او د ناقانونه کډوالو او بهرنیو مجرمینو له شر څخه د خلاصون په موخه به د « کډوالۍ» یو نوی وزارت جوړ کړي.

• فرانسه

د فرانسې ولسمشریزو ټاکنو کې د ښې اړخو افراطي ډلو څلور نوماندان د کډوالۍ ضد دریځ لري. د مارین لوپن، اریک زمور او نیکولا دیوپون اینیان پروګرامونه په مختلفو برخو کې له یو بل سره ورته والی لري. دوی ټول غواړي چې له مهاجرو سره د دولت له خوا روغتیایي مرسته، د خاورې حق او د کورنیو یو ځای کېدنه لغوه کړي. خو ایا دغه پروګرامونه عملي کېدونکي دي؟

• فرانسه

د فرانسې ولسمشریزو ټاکنو کې د کېڼ اړخو ډلو نوماندانو د کډوالۍ په هکله خپل پروګرامونه وړاندې کړي دي. ځینې نوماندان وایي‌ چې سند نه لرونکو کسانو ته باید سند ورکړل شي، ځینې نور بیا وایي‌ چې دوی به د هډوکو ازموینه لغوه کوي. بشپړ جزیات یې لاندې مطلب کې.

• یونان

د فرانسې د جمهوري غوښتونکو نومانده والري پېکرس او د کورنیو چارو وزیر وایي چې یونان د کډوالۍ د پالیسي بېلګه ده. خو د سازمانونو په حواله یونان کې د مهاجرو کمپونه د زندان په څېر دي او یوناني ځواکونه مهاجر په تاوتریخجن ډول له خپلې خاورې په شا تمبوي.

• فرانسه

د فرانسې د ۲۰۲۲ ولسمشریزو ټاکنو کې د کډوالۍ مسله پر یوې مهمې موضوع بدله شوې ده. د ښې اړخې افراطې ډلې پر دې مسلې ټینګار کوي. د کولېژ دو فرانس پروفیسور فرانسوا هېران وایي‌ چې دا کومه نوې پدیده نه ده، خو نن سبا یې تاوده بحثونه راپورته کړي دي. کډوال نیوز له نوموړي سره مرکه کړې ده.

• فرانسه

له تېرو څو کلونو راهیسې داسې ویل کېږي چې «بهرنیان باید دې ته مجبور کړل شي چې په نورو هیوادونو کې د فرانسې په سفارتونو او یا کنسولګریو کې د پناه غوښتنه وکړي.» د ښې اړخو افراطي ډلو نوماندان اریک زمور او مارین لوپن او د جمهوري غوښتونکو نومانده ولري پکرس پر دغې موضوع ټینګار کوي. خو دا کار د نړیوالو قوانینو خلاف دی.

• فرانسه

د فرانسې د ۲۰۲۲ کال ولسمشریزو ټاکنو کې د «لویې ځای پر ځای کېدنې» تیوري د ښې اړخې افراطي ډلې له خوا کارول کېږي. که څه هم دا تیوري د لومړي ځل لپاره نشنلیستانو مطرح کړې وه، خو د فرانسې د جمهوري غوښتونکې نوماندې والرس پکرس د فبرورۍ پر ۱۳مه پاریس کې د یوې غونډې پر مهال یاده اصطلاح وکاروله.

• فرانسه

د فرانسې د ښې اړخې سیاستوال او د ولسمشرۍ نوماند ارېک زمور وایي چې د فرانسې حکومت په میاشت کې هر یو پناه غوښتونکي ته ۴۳۰ یورو ورکوي. نوموړی زیاتوي چې د ټولنیزو استوګنځيو زیاتره برخه یې بهرنیانو ته ځانګړې شوې ده. دغه دواړې ادعاوې ناسمې دي.