د بشري حقونو د څار سازمان د جمعې په ورځ په یو تازه راپور کې وویل چې د ۲۰۲۱ له اګست میاشتې راهیسې ترکیه په منظمه توګه افغان کډوال د ایران پر لوړ شړي او یا یې په زوره افغانستان ته استوي. په راپور کې راغلي دي چې ترکیه کې افغان کډوالو ته چانس نه ورکول کېږي چې د نړیوالې ساتنې غوښتنه وکړي.
د ترکیې سمندري ځواکونو پرون دوشنبه وویل چې په خپلو ساحلي اوبو کې یې تر ۴۲۰ ډېر کډوال ژغورلي دي. د چارواکو په حواله، دغه کډوال د یونان ساحلي ځواکونو له خوا د ترکیې پر لور شړل شوي وو.
د اروپا د جعل کارۍ پر وړاندې د مبارزې ادارې یا اولاف په خپل تازه راپور کې وایي چې د اروپا د پولې ساتنې ادارې یا د فرانتکس لوړپوړو چارواکو له یونان څخه ترکیې ته د کډوالو د شړلو په اړه معلومات پټ ساتلي دي.
د ترکیې ساحلي ځواکونو د یو لړ عملیاتو په پایله کې د دغه هېواد په ساحلي اوبو کې ۱۴۳ سند نه لرونکي کډوال نیولي دي. د چارواکو په حواله، یاد مهاجر یوناني ځواکونو له خپلو ساحلي اوبو څخه په شا تمبولي وو.
له تېرې څه مودې راهیسې د بالکان پر مسیر د مهاجرو په شمېر کې زیاتوالی د دې سبب شوی دی چې د بالکان ځینې هېوادونه پر خپلو پولو امنیتي تدابیر زیات کړي. خو ولې مهاجر هڅه کوي چې د بالکان له لارې ځانونه اروپایي هېوادونو ته ورسوي؟
د ترکیې ساحلي ځواکونه وایي چې د چهارشنبې په ورځ یې د یو لړ عملیاتو په پایله کې د دغه هېواد په ساحلي اوبو کې ۲۵۵ کډوال ژغورلي دي. په وینا یې یاد کډوال یوناني ځواکونو د ترکیې پر لور شړلي دي.
دمګړۍ نږدې سل کډوال د ترکیې د ازمیر ولایت په یوه ودانۍ کې ساتل کېږي. دا هغه کسان دي چې یوناني چارواکو له خپلې خاورې څخه په شا تمبولي. ترکي رسنۍ دووار د یو راپور په خپرولو سره دغه ودانۍ کې د کډوالو د توقیف سخت او ان غیرقانوني شرایط رابرسېره کړي دي.
اجېن بوت رپوټ سازمان د یونان د رودس ټاپو په ساحلي اوبو کې د کډوالو د هغه کښتۍ ویډیو خپره کړې چې نقاب لرونکو کسانو په شا تمبولې ده. دغه ویډیو ښيي چې نقاب او یونیفورم لرونکي کسان چې په یوه بېړۍ کې سپاره دي د کډوالو یوه کښتۍ پر شا تمبوي. د اجېن بوت رپوټ په حواله دغه کښتۍ د یونان له ساحلي ځواکونو سره تړاو لري.
ترکیه وایي چې د دغه هېواد او یونان ترمنځ اوبو کې د پنځو ماشومانو په ګډون شپږ کډوال هغه مهال مړه شوي دي چې دوی یوناني ځواکونو د ترکیې پر لور وشړل. د ترکیې ساحلي ځواکونو دغه راز د ۷۳ تنو نورو د ژغورلو خبر ورکړی دی.
د ترکیې سمندري ځواکونه وایي چې د دغه هېواد په ساحلي اوبو کې یې ۲۰۳ غیر قانوني کډوال ژغورلي دي. د ژغورل شویو کسانو له ډلې څخه ۱۸۱ تنه یې د یونان سمندري ځواکونو له خوا د ترکیې پر لور شړل شوي وو.
یوناني چارواکي وایي چې سږ کال تر دې دمه دغه هېواد ته د ۱۵۰ زره «غیر قانوني» کډوالو د اوښتو مخه نیول شوې ده. د یونان د کډوالو چارو وزیر ویلي دي چې یوناني ځواکونو یوازې په اګست میاشت کې یونان ته د ۵۰ زره کډوالو د ننوتلو مخنیوی کړی دی.
لیتوانیایي چارواکو د دوشنبې په ورځ له بېلاروس سره پر پوله د خنډونو د جوړېدو کار د پای ته رسېدو خبر ورکړ. دغه دېوال له بېلاروس څخه لیتوانیا ته د کډوالو د اوښتو د مخنیوي لپاره جوړ شوی دی.