یوناني چارواکي وایي چې په ترکیه او سوریه کې له زلزلې وروسته د کډوالو د احتمالي څپې د مخنیوي لپاره پر خپله پوله امنیتي تدابیر ډېروي. د یونان د کډوالۍ وزیر ویلي دي چې له ترکیې سره پر پوله د دېوال د جوړېدو کار روان دی.
د اروپایي کمېسیون مشرې اورزولا فون دېر لاین نن جمعه وویل چې د اروپایي ټولنې غړو هېوادونو پر دې مسله هوکړه کړې ده چې د رد شویو کډوالو د ایستلو لړۍ اسانه کړي.
د ترکیې امنیتي ځواکونو د تېرې جمعې په ورځ له ایران سره پولې ته څېرمه لسګونه کډوال نیولي دي چې په یوه لارۍ موټر کې سپاره ول. چارواکو ویلي دي چې نیول شوي کسان د افغانستان اتباع دي.
هغه کډوال چې د سرحدي پولیسو له خوا تر نیول کېدو وروسته انتظار زون کې ساتل کېږي، اړ دي چې محکمې ته حاضر شي. انتظار زون هغه ځای ته وایي چې اسناد نه لرونکي بهرنیان پکې ساتل کېږي.
د اروپايي اتحاديې د کميسيون رئيسي اورزولا فون دېر لاين د غېراصولي مهاجرت د مخنیوي لپاره څلور ټکي لرونکی يو پلان معرفي کړ.
د چک جمهوریت چارواکو پرون چهارشنبه وویل چې سر له راتلونکې یکشنبې به له سلواکیا سره پر پوله کنترول پای ته رسوي. د چک او سلواکیا ترمنځ کنترول څلور میاشتې مخکې پیل شوی او هدف یې د کډوالو مخنیوی و.
د بشري حقونو مدافع بنسټونه د لیتوانیا او بېلاروس پر پوله د لادرکه شویو کډوالو په اړه اندېښنه ښيي. دوی وایي چې په دغه سیمه کې یو شمېر کډوال مړه شوي دي. دا هغه کسان دي چې هڅه یې کوله له بېلاروس څخه ځانونه د اروپایي ټولنې غړو هېوادونو ته ورسوي.
د ولسي وګړو د ساتنې وزیر د تېرې شنبې په ورځ د اروپایي ټولنې له غړو هېوادونو څخه غوښتنه وکړه چې له ترکیې سره پر پوله د دېوال د اوږدولو لپاره له یونان سره مرسته وکړي. د یونان او ترکیې ترمنځ اوسنی دېوال ۲۷ کیلومتره اوږدوالی لري.
د فرانسې په سوېل ختیځه سیمه کې د تېرې دوشنبې په ورځ یو تن چې د اورګاډي سر ته ختلی و د برېښنا د شارتۍ له امله مړ شوی دی. د سیمې د قومندانۍ په حواله ټولې نښې نښانې داسې ښيي چې دغه سړی کډوال و.
یو افغان کډوال چې د بلاروس له پولې څخه د لاتویا اروپايي هیواد ته د ننه شوی و، د سړې هوا له امله خپل ژوند بایللی. چارواکي ویلي چې دغه افغان د سه شنبې په ورځ په روغتون کې ساه ورکړې.
د اروپايي ټولنې او لویدیځ بالکان هیوادونو پر داسې یو پلان هوکړې ته رسیدلي چې موخه يي د لویدیځ بالکان هیوادونو له لارې اروپا ته د ناقانونه کډوالو د څپو مخنیوی بلل شوې. پر پولو د څار ډیرول او د ویزې په پالیسو کې سمون د دغه نوي پلان لومړیتوبونه دي.
د فرانسې سرحدي ځواکونو د یو لړ عملیاتو په پایله کې د دغه هېواد په پیرېنې اورینتال سیمه کې د انساني قاچاقبرو د یوې ځواکمنې ډلې غړې او مشران نیولي دي. دغې ډلې کډوال له اسپانیا څخه فرانسې ته انتقالول.