د بلغاریا د کورنیو چارو وزرات تازه شمیرې ښيي چې په د روان کال په لومړیو دوو میاشتو کې، ۱۲۷۸ کډوال چې ډیری يي په بلغاریا کې په ناقانونه ډول میشت ول، نیول شوي دي. د اوکراین یو اوسیدونکی د کډوالو د قاچاق په تور نیول شوی.
د سربیا د کورنیو چارو وزارت د چهارشنبې په ورځ خبر ورکړ چې د بلګراد په ګډون د دغه هیواد په پنځو ښارونو کې د ناقانونه کډوالو پر وړاندې يي ستر علمیات ترسره کړي چې په پایله کې ۶۶۸ ناقانونه کډوال نیول شوي. د کورنیو چارو وزارت د یو شمیر نیول شویو کسانو ویډیو خپره کړې.
د پاکستان د کراچۍ ښار کې طالب چارواکي ویلي چې د محکمې لخوا د ۴۰۵ افغان بندیانو د خوشي کولو حکم صادر شوی خو له ۴۰۰ ډیر ماشومان او میرمنې لا هم په زندانونو کې شپې سبا کوي. له دې سره په تیرو دوو میاشتو کې دوه افغانان د کراچۍ په زندانونو کې مړه شوي.
د عيسوي کال د نوي کېدو په شپه د آلمان په برلين ښار کې پر پوليسو او نورو چارواکو بريدونه تر سره شول. په نيول شوو تورن کسانو کې زيات مهاجر هم شامل دي.
فرانسوي چارواکو ویلي چې د جمعې په ورځ يي ۳۳ افغان، پاکساني او هندي کډوال چې په ناقانونه ډول دغه هیواد ته د ننه شوي و، له یو کامیون موټر څخه موندلي. دغه کډوال الپ غرونو ته نږدې د آوونسون په سیمه کې موندل شوي.
د بلغاریا چارواکِي وايي چې پولیسو د دوشنبې په ورځ د دغه هیواد په شمال کې ۵۸ ناقانونه کډوال له یوه لارۍ موټر څخه موندلي. ویل کیږي چې نیول شوي کسان چې د ۱۳ او ۳۰ کلونو ترمنځ عمرونه لري، ټول افغانان دي.
د پاکستان د کراچۍ پولیسو یو ځل بیا د دغه ښار له بیلابیلو برخو څخه ۱۱ افغانان نیولي. پولیسو ویلي چې دغو افغانانو په کراچۍ کې په ناقانونه ډول استوګنه درلوده. دا په داسې حال کې ده چې په ټولنیز شبکو کې د پاکستان په زندانونو کې د افغان ماشومانو او میرمنو تصویرونه د افغانانو غصه راپارولې.
په پاکستان کې د طالبانو سفارت د یکشنبې په ورځ وویل چې په تیرو دریو میاشتو کې د پاکستان له زندانونو څخه د شاوخوا ۲۰۰۰ افغان کډوالو له ډلې ۵۰۰ تنه يي خوشي شوي. بل پلو د بښنې نړیوال سازمان په پاکستان کې د افغان کډوالو په اړه اندیښنه څرګنده کړې او د دغه هیواد له لومړي وزیر څخه يي غوښتي چې دغلته د افغانانو ساتنه وکړي.
په افغانستان کې د باختر خبري آژانس خبر ورکړی چې څلور تنه افغانان د ایران د سرحدي ځواکونو په ډزو هغه مهال ووژل شول چې د دوې په موټر ډزې وشوې. په دغه پیښه کې ۱۳ تنه نور ټپیان دي.
په پاکستان کې د افغانستان سفارت خبر ورکړی چې د چهار شنبې په ورځ ۷۰ تنه افغانان چې د قانوني اسنادو د نه لرلو په تور نیول شوي و له بند څخه آزاد او بیرته خپل هیواد ته لیږدول کیږي.
بلغاریا هغه ادعاوي نه دي منلي چې ګواکې سرحدي ځواکونو يي د اکتوبر په میاشت کې یو سوریايي کډوال په ډزو وژلی. په یوه ویډیو کې چې د دوشنبې په ورځ خپره شوې لیدل کیږي چې د بلغاریا پر پوله یو ځوان پر سینه او لاس په مرمۍ ویشتل کیږي او بیا پر ځمکه راغورځیږي.
د پاکستان په بیلابیلو ښارونو کې په دې وروستیو کې پر افغان کډوالو د پولیسو د فشار له ډیریدو سره سم د یوې افغانې کورنۍ خپلوان وايي چې دوه اونۍ وړاندې یوه اوه کسیزه کورنۍ د پاکستان په کراچۍ ښار کې د پولیسو لخوا د اسنادو د نه درلودلو په تور نیول شوي چې دامهال له خپلو پنځو ماشومانو سره په زندان کې شپې سبا کوي.