د بوسنیا د شمال لویدیځې سیمې چارواکي خبرداری ورکوي چې که چېرې حکومت کډوال له دغې سیمې څخه د بوسنیا نورو برخو ته انتقال نه کړي، دوی به د مهاجرو پر دوو مرکزونو بندیز ولګوي. په همدې حال کې د کډوالۍ نړیوال سازمان وایي چې دا بندیز د شخړو سبب ګرځېدلی شي.
د بوسنیا د ووچیاک په پنډغالي کې نږدې ۶۰۰ کډوال په ډېرو سختو او غیرانساني شرایطو کې اوسېږي. دغه پنډغالی د روان کال په جون میاشت کې د بیهاچ ښاروالۍ له خوا پرانیستل شوی او د سره صلیب سازمان له خوا اداره کېږي. تېره جمعه له یاد کمپ څخه د نړیوالو رضاکارانو تر شړل کېدو وروسته کډوالو د نه خوړلو اعتصاب پیل کړ.
د فرانسې د شمالي ښار ګراند – سنټ ښاروال دامین کارېم ویلي چې دغه سیمه کې د بې سرپناه کډوالو د اوسېدو له پاره یو جمنازیم پرانیستل شوی. دغه جمنازیم کې شاوخوا ۲۰۰ کسان اوسېدلی شي.
د بوسنیا په بیهاچ او ویلاکا کلادوشا ښارونو کې د سړې هوا او د پولیسو د تلاشیو له کبله په زرګونو کډوال بند پاتې دي.
د فرانسې په بریانسون ښار کې مهاجر پلوه سازمانونه وایي چې اېټالیا کې د ماتیو سالویني د کډوالو ضد سیاستونو له امله ښایي ډېر شمېر کډوال د غرونو له لارې فرانسې ته راشي. دوی زیاتوي چې غرونو کې د سړې هوا له کبله کډوال ممکن له بېلابېلو خطرونو سره مخ شي.
د کډوالو نړیوال سازمان وایي چې بوسنیا کې ټولو کډوالو ته د اوسېدو ځایونه برابروي. دا په داسې حال کې ده چې د سره صلیب نړیوال فدراسیون وایي دې هیواد کې د کډوالو د وضعیت په اړه اندېښمن دی.
اروپا کې د ژمي په را رسېدو سره کډوال ګرمو جامو ته اړتیا لري. دې مطلب کې کډوال نیوز تاسو ته د هغو ځایونو په اړه معلومات درکوي چېرې چې کډوالو ته ګرمې جامې ورکول کېږي.