د ځایي رسنیو په حواله ترکي ځواکونو له ایران سره پر پوله د هغو دوو کډوالو مړي موندلي دي چې د سړې هوا له امله یې خپل ژوند له لاسه ورکړی دی. د سختې یخنۍ سربېره لا هم زیات شمېر کډوال له ایران څخه ترکیې ته د اوښتو هڅه کوي.
له تېرو درېو میاشتې راهیسې تر ۳۰۰ زیاتې افغانې کورنۍ له تاجکستان سره پر پوله بدخشان کې بندې پاتې دي. دوی چې غواړي تاجکستان ته واوړي وایي د تاجکستان پوله تړلې ده او تر دې دمه تاجک چارواکو ورسره هېڅ ډول اړیکه نه ده نیولې.
لیپا مهاجر کمپ چې په بوسنیا کې موقعیت لري څو اونۍ مخکې پرانیستل شوی دی. دې کمپ کې د شته اسانتیاوو سربېره ډېری مهاجر لا هم د بوسنیا ښار په کنډوالو کې شپه سبا کوي. دوی چې ډېری یې افغانان دي او اروپایي ټولنې ته د اوښتو هڅه کوي وایي، لیپا د یادې ټولنې غړي هیواد کروشیا له پولې څخه لرې ده.
بوسنیا کې د لیپا کمپ او د بیهاچ ښار ترمنځ لسګونه مهاجر د سړکونو پر غاړو لیدل کېږي. دا هغه خلک دي چې د کروشیا له پولې اروپا ته د اووښتو شیبې شماري. کډوال نیوز د دغو مهاجرو د ژوند وضعیت د لیدلو په موخه بوسنیا ته تللی دی.
ډېری هغه مهاجر چې د بالکان له لارې ایټالیا ته رسېدلي دي فرانسې ته د رسېدو په موخه د الپ غرونو څخه تېرېږي. کډوال نیوز د ایټالیا اولکس سرحدی ښار ته ورغلی و او د کاسا په نامه تشه ودانۍ کې یې له یوې ایرانۍ کورنۍ سره خبرې کړې وې. دوه ورځ وروسته دغه کورنۍ د فرانسې بریانسون ښار ته ورسېدله.
پاریس او شاوخوا سیمو کې د ژمي سړې هوا په راتګ سره د بې کوره کسانو لپاره د استوګنځایونو د برابرولو په موخه دولت یو نو پلان جوړ کړی چې له امله يي هغو خلکو لپاره چې د سړک پر غاړه وخت تیروي سرپناه برابر کړي.
د فرانسې په شمالي برخه کې د سختې سړې هوا له وړاندوینې سره سم، دولت د یکشنبې په ورځ د کالې او ګراند سنت په ښارونو کې د کډوالو د سرپناه لپاره د نورو ځایونو د پرانیستلو خبر ورکړی. د کډوالۍ ملاتړې ادارې اندیښمن دي چې نوي ځایونو ته د کډوالو تګ او لاسرسۍ ستونزمن دی.
فرانسوي سرچینې وایي چې تېره دوشنبه د فرانسې او ایټالیا په سرحدي هوت الپز سیمه کې ۱۱ افغان مهاجر ژغورل شوي چې غوښتل یې له ایټالیا څخه ځان فرانسې ته ورسوي. په وینا یې د یخې هوا له کبله د ځینو مهاجرو د بدن د حرارت درجه راټیټه شوې وه.
افغان مهاجر متین یو له هغو کسانو دی چې له نږدې۶ میاشتو راهیسې بوسنیا کې بند پاتې دی. هغه چې تر دې دمخه لیپا کمپ کې اوسېده اوس د سراییوو په بلاژوی کمپ کې ژوند کوي. نوموړی د خپلو سترګو لیدلی حال وایي.
بوسنیا کې د اروپایي ټولنې پلاوي د دغه هیواد له ځایي چارواکو څخه غوښتي دي چې د ژمي په را رسېدو سره دې شاوخوا ۳۳۰۰ مهاجرو ته سرپناه برابره کړي. دغه پلاوي خبرداری ورکړی چې که بوسنیایي چارواکي اقدام و نه کړي، یو «بشري کړکېچ» به رامنځ ته شي.
د پرواکتیوا اوپن ارمز سازمان وایي چې د دوشنبې په شپه یې د لیبیا په ساحلي اوبو کې تر ۱۰۰ ډېر کډوال ژغورلي دي. اوسمهال دوو ژغورونکو کښتیو کې سپاره نږدې ۲۰۰ کډوال د یو امن بندر په لټه کې دي. نن سه شنبه اوشېن وایکنګ کې سپرو ۴۰۰ مهاجرو ایټالیا کې د کوزېدو اجازه ترلاسه کړه.
د څو اوونیو راهیسې، په کالې کې مرستوندوی سازمانونه د ژمي لپاره د سرپناه د نشتون له امله اندېښمن دي. د تودوخې درجه راټیټه شوې او د یخ باد او باران ورسره ده. تېر کال، دا پلان د دسمبر په نیمایی کې فعال شوی وو.