د فرانسې په شمالي برخه کې د سختې سړې هوا له وړاندوینې سره سم، دولت د یکشنبې په ورځ د کالې او ګراند سنت په ښارونو کې د کډوالو د سرپناه لپاره د نورو ځایونو د پرانیستلو خبر ورکړی. د کډوالۍ ملاتړې ادارې اندیښمن دي چې نوي ځایونو ته د کډوالو تګ او لاسرسۍ ستونزمن دی.
د بریتانیا د کورنیو چارو وزارت د دغه هیواد سرحدي پولیسو ته امر کړی چې د فرانسې په سویل کې د هغو کډوالو د ګوتو نښې ثبت کړي چې غواړي د مانش کانال له لارې بریتانیا ته واوړي. بریتانیا غواړي په دې کار سره ناقانونه کډوال په نښه او فرانسې ته يي ولیږي.
د څو اوونیو راهیسې، په کالې کې مرستوندوی سازمانونه د ژمي لپاره د سرپناه د نشتون له امله اندېښمن دي. د تودوخې درجه راټیټه شوې او د یخ باد او باران ورسره ده. تېر کال، دا پلان د دسمبر په نیمایی کې فعال شوی وو.
له ٣٠ څخه زیات سازمانونو او غیردولتي موسسو د ملګرو ملتونو له راپور ور کوونکي څخه غواړي چې اپریل میاشت کې فرانسې ته د خپل رسمي سفر پر مهال کالې ته راشي. هغوی د ملګرو ملتونو ملاتړ غواړي چې د فرانسې په شمال کې د کډوالو ناوړه حالت په ګوته کړي.
د بشري حقونو د سازمانونو او مدافع بنسټونو په حواله د فرانسې په کالې ښار کې شاوخوا ۵۰۰ کډوال ژوند کوي. یاد کډوال له بېلابېلو هیوادونو سره تړاو لري خو اکثریت یې افغانان، کردان، ایرانیان او افریقایان دي. له کالې څخه د کډوال نیوز خبریال رپوټ ورکوي.
تېره اونۍ د فرانسې پولې ته د شپیته زیات کډوال انګلستان ته لاړل. د ګاردین د وړځپانی د نومبر ١٨ نیټه د رپورت له مخی، نژدی ٤٠ مهاجر د مانش سمندر له لاری انګلستان ته تللي.
برېتانیا کې ۲۱ کډوال چې ۱۱ تنو یې ماشومان دي په یوه لارۍ کې پیدا شوي. دوی له ویټنام سره تړاو لري او له فرانسې نه برېتانیا ته تللي دي.