فرانسوي چارواکي ویلي دي، چې دولت به ډیر ژر د فرانسې شمالي ښار ګراند سنت کې د کډوالو لپاره د خوراکي موادو د ویش مسولیت پر غاړه واخلي. ځینې مرستندویه ادارې د دغې پریکړې په اړه راضي خو ځینې نور بیا اندیښمن دي.
د پا دو کالې قومندانۍ د دوشنبې په ورځ وویل چې د کالې ښار په مرکز او بو - مارې ناحیه کې یې پر مهاجرو د خوړو د وېشلو د منع موده غځولې ده. دمګړۍ د لا وي اکتیو په نامه د دولت له خوا په رسمیت پېژندلی سازمان صلاحیت لري چې کالې کې پر مهاجرو خواړه ووېشي.
پرون پنجشنبه د فبرورۍ ۲۵مه د فرانسې په شمالي کالې ښار کې د پولیسو د دوو عملیاتو په ترڅ کې ۱۴۶ مهاجر د مګنزیا هنګر او له روزېلیر ډګر څخه ایستل شوي دي. د چارواکو په حواله ۱۲۶ کسانو ته سرپناه برابره شوې خو ۲۰ تنه نور توقیف خونې ته استول شوي دي.
ډېری وختونه فرانسوي ځواکونه مانش کانال کې هغه مهاجر ژغوري چې غواړي برتانیا ته ولاړ شي. د بشري حقونو مدافع سازمانونه وایي چې چارواکي دغه کسان یوازې پرېښې. خو سمندري قومنداني بیا وایي چې ژغورل شویو کډوالو ته سرپناه برابروي.
پرون سه شنبه د فرانسې شمالي ښار کالې په مرکز کې یو مهاجر کمپ وتړل شو. د سازمانونو له مخې دا لومړی ځل دی چې د دغه ښار په زړه کې ورته عملیات ترسره کېږي.
د فرانسې لویدیځ بندري ښار کالې کې د «سختې سړې هوا پلان» له اعلان سربیره، سلګونه کډوال دې ته اړ شوي چې تر واورو لاندې په سړه هوا کې ویده شي. چارواکي یوځل بیا د ګراند سنت په ښار کې ۵۰۰ بې سرپناه کډوالو ته د هرکلي د مرکزونو له پرانیستلو ډ ډه کړې.
د کرونا ویروس له امله د رامنځ ته شویو محودیتونو سربیره، د مهاجر نیوز خبریالان د ۲۰۲۰ کال په لړ کې له فرانسې او یو شمیر نورو هیوادونو څخه د کډوالۍ په اړه د خپلو راپورونه لیکلو ته دوام ورکړ. د یو شمیر مهمو پیښو د راپورنو سرلیکونه په لاندې ډول چمتو شوي.
د بریکزیټ تړون په رانږدې کیدو سره، د فرانسې کالې ښار کې یورو تونل ته د ننوتلو لویه لار کې د تاوتریخوالو کچه پورته شوې. د کډوالۍ ملاتړ سازمانونه د کډوالو پر وړاندې د فرانسوي پولیسو د تاوتریخوالي په اړه انديښنه ښوولې.
د روان کال له جنورۍ راهیسې د فرانسې په شمالي سیمه کې ۱۱ مهاجر مړه او یا لادرکه شوي دي. دغو کسانو غوښتل چې د مانش کانال له لارې برتانیا ته ځان ورسوي. کالې او ګراند سنت ښارونو کې یوه رضاکاره ډله هڅې کوي چې د مړه شویو کسانو هویت معلوم کړي.
د فرانسې دولت لخوا قرنطین د اکتوبر په ۳۰ په داسې مهال اعلان شو چې لاهم شا و خوا ۸۰۰ کډوال د فرانسې جنوب کالې په کوڅو کې ژوند تیروي. ایا د چارواکو لخوا په دې اړه کوم تدابیر نیول شوي؟ په کمپونو کې د کرونا ویروس د خپریدو مخنیوي لپاره څخه پلانونه په پام کې نیول شوي؟ د مهاجر نیوز دغو پوښتنو ته د پا- دو- کالې پولیسو قومندانۍ ځواب ویلی.
ټاکل شوې چې د فرانسې دولت له خوا تایید شوی سازمان لا وي اکتیو کالې ښار کې په سیار ډول پر مهاجرو خواړه ووېشي. د لا وي اکیتو موټرونه د مهاجرو په لټون د ښار په ختیځو او لوېدیځو سیمو* کې ګرځي. خو سازمونه دا کار ناکافي بولي.
د کالې قومندانۍ د هغه فرمان یوه اونۍ وروسته چې له مخې یې د نا تایید شویو سازمانونو له خوا پر مهاجرو خواړه وېشل منع شوي وو، د کډوالو د حقونو مدافع سازمانونو د دې فرمان د ځنډلو لپاره د لیل ښار اداري محکمې ته شکایت کړی دی. دغه سازمانونه وایي چې دوی دې ته اړ شوي چې په پټه توګه پر مهاجرو خواړه وېشي.