محمود نسیمي هغه افغان ځوان دی چې له تیرو دریو کلونو راهیسې په فرانسه کې میشت دی. هغه د په پاریس کې یو افغان « Un Afghan a Paris » په نوم د یو کتاب لیکوال دی چې دغه کتاب د ایدیسیون د وپالی خپرندویه ادارې لخوا په فرانسوي ژبه چاپ شوی. محمود په خپل کتاب کې د یو مهاجر د سفر او خاطراتو، فرانسوي کلتور او ادبیاتو په اړه لیکلي. کډوال نیوز دغه افغان کډوال سره د هغه د شخصي ژوند او کتاب په اړه خبرې کړي.
په لاندې ویډیو کې ایراني الاصله فرانسوۍ لیکواله مریم مجیدۍ د خپل نوي کتاب په اړه خبرې کوي. د مریم مجیدۍ نوی کتاب «زما نوم مریم ده» نومېږي. آغلې مجیدۍ په دغه کتاب کې د هغو ماشومانو کیسې لیکلې چې د خپلو هیوادونو پرېښودلو ته اړ شوي دي او په یوه نوې ټولنه کې اوسېږي.
موریا کمپ د یونان په لېسبوس ټاپو کې موقعیت لري او دغه هیواد کې د کډوالو اصلي کمپ بلل کېږي. د رپوټونو له مخې موریا کې شاوخوا ۸۰۰۰ کډوال اوسېږي. یاد کډوال د نړۍ له بېلابېلو هیوادونو څخه راغلي او په ډله کې یې ګڼ شمېر افغانان هم دي. د ون هپي فامیلي په نامه یوه ټولنه موریا کمپ ته نږدې کډوالو ته یو کتابتون جوړ کړی. کډوال نیوز د دغه کتابتون له مسول محمد رضایي سره مرکه کړې.
د پاکستان څخه زياتره کډوال اروپا ته نه يوازې د مالي ستونزو له کبله تللي يا ځي بلکې يو شمېر پاکستاني نارينه او په ځانګړې توګه ځوانان دغو هېوادونو ته ازاد ماحول کې د خوشګذرانۍ، خپل جنسي خواهشاتو او نورو غوښتنو پوره کولو په نيت سفر کوي.
د سه شنبې په شپه (د جنورۍ ۲۲مه نېټه) د افغان نامتو لیکوال عتیق رحیمي د نوي ناول مخ کتنه د پاریس په «میزون دو لا پویزي» کې ترسره شوه.
د سولې له پاره نوبل جايزې ګټونکې او پښتنې فعالې ملاله يوسفزۍ نوي کتاب «مونږ بېځايه شوي يو، زما سفر او نړۍ کې د کډوالو نجونو کېسې» د سه شنبې په ورځ بازار ته عرضه شو.
افغاني الاصله امریکایي لیکوال خالد حسیني په خپله نوې کیسه کې د کډوالو دردونه انځوروي. «د سمندر دعا» چې په انګلیسي ژبه کې لیکل شوی د سپټمبر په میاشت کې په پښتو ژبه کې هم چاپ شو.