برېتانیا کې د هوټلونو او د حکومت ترمنځ افغان کډوالو ته د سرپناه ورکولو تړون له لغوه کېدو سره د ځینو کورنیو غړي له یو بل څخه بېل شوي دي. د یادولو ده چې تر دې دمه زیات شمېر هغه افغانان چې واک ته د طالبانو له رسېدو سره برېتانیا ته لېږدول شوي وو د دغه هېواد په هوټلونو کې اوسېږي.
فرانسوي ځواکونو نن چهارشنبه د پاریس په پانتن سیمه کې د یوه مهاجر کمپ د تخلیې عملیات پیل کړل. دغو عملیاتو کې ۳۸۰ کسانو ته سرپناه ورکړل شوه، خو لسګونه نور بیا بې سرپناه پاتې شول.
د افغانستان د شمالي ګاونډي تاجکستان چارواکو دغه هیواد کې د ۸۰ افغانو کورنیو د پناه اخیستلو خبر ورکړی دی.
د طالبانو له لوري د کابل تر نیول کېدو وروسته فرانسه کې مېشت ډېری افغان مهاجر د خپلو کورنیو د هغو غړو د برخلیک په هکله اندېښمن دي چې افغانستان کې بند پاتې دي. دوی وایي چې کورنۍ یې د طالبانو له خوا تر ګواښ لاندې دي.
ګڼ شمېر افغان مهاجر له کلونو راهیسې په یونان کې ایسار پاتې دي. کډوال نیوز له هغه افغان مهاجر سره خبرې کړې دي چې له ۲۰۱۸ راهیسې په یونان کې اوسېږي خو تر دې دمه یې برخلیک نامعلوم دی. هغه د خپلو سترګو لیدلی حال وایي.
له تېر کال راهیسې زیات شمېر مهاجر، چې ډېری یې افغانان دي، فرانسې ته د رسېدو په موخه د شپې له خوا له الپ غرونو څخه د تېرېدو لپاره هڅې کوي. کډوال نیوز د فبرورۍ پر ۵مه دغې سرحدي سیمې ته ورغلی و.
د تېر کال له اکټوبر میاشتې راهیسې ګڼې افغانې کورنۍ هڅه کوي چې د الپ غرونو له لارې له ایټالیا څخه فرانسې ته ځان ورسوي. کډوال نیوز د فرانسې په بریانسون سرحدي ښار کې له یوې افغانې کورنۍ سره مرکه کړې ده.
د يونان په پلازمېنه آتن ښار کې د ويکتوريا پارک چې د ګن شمیر مهاجرو له پاره يې پناه ورکړې وه، له لسو ورځو راپدېخوا د پولیسو تر سخت کنټرول لاندې دی. اوس هيڅ مهاجر ته اجازه نه ورکول کيږي چې په دغه پارک کې خپله ورځ يا شپه تيره کړي.
فرانسه کې د ګرځبندیز له کبله ګڼو سازمانونو مهاجرو ته د سرپناه برابرولو پروګرام درولی دی. د همدې لپاره اوس مهال د فرانسې په هوټلونو او سړکونو کې په سلګونو مهاجر لیدل کېږي. بل خوا د اوسېدو ځای برابرولو «بېړنۍ» پروسه هم، چې د شپې له خوا ترسره کېدله، درول شوې ده.