د پا دو کالې قومنداني په پام کې لري چې دغه سیمه کې اغېزمنو او په ځانګړې توګه مهاجرو ته د واکسین د تطبیق لړۍ پیل کړي. خو کالې کې د مهاجر کمپونو د خالي کولو پر له پسې عملیاتونو له امله دغه پروسه له خنډونو سره مخ ده.
د بې سرحده ډاکټرانو سازمانو له نږدې دوو اونیو راهیسې پاریس کې اغېزمنو او په ځانګړې توګه مهاجرو ته د واکسین د تطبیق لړۍ پیل کړې ده. که څه هم ځینې مهاجر واکسین اخیستلو ته چمتووالی ښيي، خو ځینې نور بیا وایي چې له جانبي عوارضو څخه یې ډارېږي. کډوال نیوز له سیمې څخه راپور ورکوي.
د هند پلازمېنه ډېلي کې د افغانستان سفارت وایي هلته د کورونا ویروس د پېښو تر زیاتېدو وروسته د افغانانو ژوند له ګواښ سره مخ دی. د رسمي شمېرو له مخې تر اوسه هند کې ۱۸۶ افغانان د کورونا له امله مړه شوي دي.
په تېرو څو ورځو کې یوناني چارواکو د لېسبوس ټاپو دویم موریا کمپ کې د کورونا ویروس ۳۰ پیښې ثبت کړې دي. چارواکي وایي چې ۱۰۰ تنه نور تر قرنطین لاندې دي.
د کډوالو په چارو کې د ملګرو ملتونو عالي کمیساري په یوه خبرپاڼه کې وایي چې د پاکستان په ځینو سیمو کې هغو افغان کډوالو ته د کورونا واکسین ورکول کېږي چې شرایط یې پوره کړي وي.
د بوسنیا په مهاجرو کمپونو کې د کورونا ویروس پېښې له حده زیاتې شوې دي. چارواکي وایي چې په تېرو دوو اونیو کې یوازې په یو مرکز کې د کورونا ۱۴۷ پېښې ثبت شوې دي.
د پا دو کالې قومندانۍ د تېرې سه شنبې په ورځ وویل د کالې ښار په مرکز او بو مارې ناحیه کې یې پر مهاجرو د خوړو د وېشلو د منع موده غځولې ده. دمګړۍ یوازې د لا اکتیو په نامه د دولت له خوا په رسمیت پېژندل شوی سازمان صلاحیت لري چې کالې کې پر مهاجرو خواړه ووېشي.
تېره جمعه صربیا د مهاجرو د واکسینولو لړۍ پیل کړه. دغه هیواد ویلي چې د ګاونډو هیوادونو اتباعو ته هم واکسین ورکوي.
د پا دو کالې قومندانۍ د دوشنبې په ورځ وویل چې د کالې ښار په مرکز او بو - مارې ناحیه کې یې پر مهاجرو د خوړو د وېشلو د منع موده غځولې ده. دمګړۍ د لا وي اکتیو په نامه د دولت له خوا په رسمیت پېژندلی سازمان صلاحیت لري چې کالې کې پر مهاجرو خواړه ووېشي.
برتانیا په پام کې لري چې د بې سنده کسانو په ګډون ټولو مهاجرو ته د کورونا ویروس ضد وړیا واکسین برابر کړي. تېره دوشنبه د برتانیا حکومت وویل چې د واکسین پر مهال د مهاجرو قانوني وضعیت نه څېړل کېږي.
که څه هم د بشري حقونو مدافع بنسټونه د کورونا ویروس ضد واکسین د بهیر د سستوالي په اړه اندېښنې ښي، خو دوی هیله لري چې تر راتلونکي پسرلي پورې د مهاجرو د هرکلي په بېړنيو مرکزونو کې د کډوالو د واکسین لړۍ پیل شي.
د تابعیت په چارو کې د فرانسې د دولت وزیرې مارلېن شیاپا تېره سپټمبر میاشت ویلي وو هغو بهرنیانو ته چې د کورونا ویروس کړکېچ پر مهال یې لومړۍ کرښه کې مبارزه کړې فرانسوي تابعیت ورکول کېږي. څلور میاشتې وروسته سیماد ټولنه دا کار یو نمایشي اقدام بولي او زیاتوي چې غیرقانوني کارګر ترې ګټه نه شي اخیستلی.